కాలాలో మరో సూపర్ స్టార్...
- IndiaGlitz, [Sunday,June 04 2017]
సూప‌ర్‌స్టార్ రజనీకాంత్ హీరోగా ధనుష్ నిర్మాతగా పా రంజిత్ దర్శకత్వంలో రూపొందుతోన్న కాలా చిత్రం చిత్రీక‌ర‌ణ ద‌శ‌లో ఉంది. క‌బాలి త‌ర్వాత రజనీకాంత్, పా రంజిత్ కాంబోలో రానున్న ఈ సినిమాపై భారీ అంచ‌నాలే నెల‌కొన్నాయి. అందుకు త‌గిన‌ట్లు సినిమా ఫ‌స్ట్‌లుక్, టీజ‌ర్‌కు ఆడియెన్స్ నుండి చాలా మంచి స్పంద‌న వ‌చ్చింది.
ర‌జ‌నీకాంత్‌కు ఉన్న క్రేజ్‌తో పాటు ద‌క్షిణాది స్టార్స్‌ను, ఉత్త‌రాది స్టార్స్‌ను సినిమాలో న‌టింప చేస్తున్నారు. బాలీవుడ్ ప్రముఖ న‌టుడు నానా ప‌టేక‌ర్ కీల‌క పాత్ర‌లో న‌టిస్తుండ‌గా, మరో కీల‌క పాత్ర‌లో మ‌ల‌యాళ సూప‌ర్‌స్టార్ మ‌మ్ముట్టి నటించ‌నున్నాడ‌ని స‌మాచారం. ఇదే క‌నుక నిజ‌మైతే సినిమాపై అంచ‌నాలు డ‌బుల్ అవుతాయి. ఎందుకంటే ద‌ళ‌ప‌తి చిత్రం త‌ర్వాత ర‌జ‌నీ, మ‌మ్ముట్టి కాంబినేష‌న్‌లో రానున్న సినిమా కాలానే అవుతుంది.