బాలీవుడ్‌లోకి మ‌రో విజ‌య్ దేవరకొండ చిత్రం...
- IndiaGlitz, [Thursday,January 03 2019]
ప్ర‌స్తుతం టాలీవుడ్‌లో విజ‌య్ దేవ‌ర‌కొండ‌కు పిచ్చ క్రేజ్ ఉంది. వ‌రుస సినిమాల‌తో స‌క్సెస్‌ఫుల్ ట్రాక్‌లో దూసుకెళ్తున్నాడీ కుర్ర హీరో. విజ‌య్ దేవరకొండ గాలి ఏకంగా బాలీవుడ్ రేంజ్‌లో వీస్తుంది. ఈయ‌న న‌టించిన 'అర్జున్ రెడ్డి' చిత్రాన్ని 'క‌బీర్ సింగ్' పేరుతో బాలీవుడ్‌లో రీమేక్ చేస్తున్న సంగ‌తి తెలిసిందే.
కాగా ఇప్పుడు గత ఏడాది సెన్సేష‌న్ క్రియేట్ చేసిన విజ‌య్ దేవరకొండ చిత్రం 'గీత గోవిందం'. ఈ సినిమాతో విజ‌య్ దేవ‌ర వంద‌కోట్ల హీరోగా మారాడు. ఇప్పుడు ఈ సినిమాను బాలీవుడ్‌లో రీమేక్ చేయ‌బోతున్నార‌ని స‌మాచారం.
ద‌ర్శ‌కుడెవ‌ర‌నేది తెలియ‌డం లేదు. కానీ..'ద‌ఢ‌క్' ఫేమ్ ఇషాన్ హీరోగా న‌టించ‌బోతున్నాడ‌ట. త్వ‌ర‌లోనే ఈ సినిమాకు సంబంధించిన వివ‌రాలు వెల్ల‌డ‌వుతాయి.