close
Choose your channels

దేనికైనా ఓ లిమిట్ ఉంటుంది: పాయల్‌పై అనురాగ్ కశ్యప్ ఫైర్

Sunday, September 20, 2020 • తెలుగు Comments

దేనికైనా ఓ లిమిట్ ఉంటుంది: పాయల్‌పై అనురాగ్ కశ్యప్ ఫైర్

హీరోయిన్ పాయల్ ఘోష్.. దర్శకుడు అనురాగ్ కశ్యప్‌పై చేసిన ఆరోపణలు దేశ వ్యాప్తంగా సంచలనం సృష్టించాయి. దీంతో పాయల్ ఆరోపణలపై అనురాగ్ కశ్యప్ ట్విట్టర్ వేదికగా స్పందించారు. ఇంతకాలం మౌనంగా ఉండి ఇప్పడు మాట్లాడుతున్నారని అయినా ఫర్వాలేదన్నారు. పాయల్ ఒక అమ్మాయిగా ఉండి ఇతర అమ్మాయిలను వివాదంలోకి లాగిందని.. దైనికైనా ఓ లిమిట్ ఉంటుందంటూ కాస్త ఘాటుగానే అనురాగ్ కశ్యప్ స్పందించారు.

తనపై పాయల్ చేసిన ఆరోపణలన్నీ నిరాధారమైనవేనని అనురాగ్ కశ్యప్ పేర్కొన్నారు. తనపై ఆరోపణలు చేసే క్రమంలో తనతో పని చేసిన నటీనటులతో పాటు అమితాబ్ ఫ్యామిలీని కూడా ఈ వ్యవహారంలోకి లాగిందంటూ ఆగ్రహం వ్యక్తం చేశారు. తాను రెండు సార్లు పెళ్లి చేసుకున్నానని అదే తన నేరమైతే అంగీకరిస్తానన్నారు. తన మొదటి భార్య, రెండో భార్య, తన ప్రేయసి అందరిపై ఆరోపణలు చేశారని.. పాయల్ ప్రవర్తన భరించరానిదని అనురాగ్ పేర్కొన్నారు. మీ వీడియో చూస్తే అందులో నిజానిజాలెంతో తెలుస్తాయన్నారు.

కాగా.. బాలీవుడ్ దర్శకుడు అనురాగ్ కశ్యప్‌పై పాయల్ తీవ్ర స్థాయిలో ఆరోపణలు చేసింది. అనురాగ్ కశ్యప్‌పై ఏకంగా ప్రధాని మోదీకి ఫిర్యాదు చేసింది. డైరెక్టర్ రూపంలో ఉన్న రాక్షసుడి నుంచి తనకు ప్రాణ హాని ఉందని కాబట్టి తనను కాపాడాలంటూ ట్విట్టర్ వేదికగా ప్రధానిని వేడుకుంది. అవకాశం ఇస్తానని తనను అనురాగ్ కశ్యప్ తన ఇంటికి పిలిపించుకుని లైంగిక దాడికి యత్నించారని పాయల్ వెల్లడించింది. రెండు సార్లు అనురాగ్ తనతో అసభ్యంగా ప్రవర్తించారని వెల్లడించింది. అమితాబ్, కరణ్ జోహార్ వంటి వారంతా తనకు చాలా క్లోజ్ అని చెప్పి బలవంతంగా లోబరుచుకోవాలని చూశాడని పాయల్ ఆరోపించింది. 2015లో బాంబే వెల్వెట్ సినిమా తీస్తున్న సమయంలో తనపై రేప్‌నకు యత్నించారని పాయల్ తెలిపింది. ఈ విషయం ఎవరికైనా చెబితే యాసిడ్ దాడి చేస్తానని అనురాగ్ కశ్యప్ బెదిరించారని వెల్లడించింది.

Get Breaking News Alerts From IndiaGlitz