close
Choose your channels

பிரபல நடிகரை புகைப்படம் எடுக்க மறுத்த பத்திரிகையாளர்கள்!

Saturday, June 1, 2019 • தமிழ் Comments

நயன்தாரா நடித்த 'இமைக்கா நொடிகள்' திரைப்படத்தில் வில்லனாக நடித்த பிரபல நடிகர் அனுராக் காஷ்யப் , சமீபத்தில் தனிப்பட்ட வகையில் சொந்த பணியில் இருந்தபோது ஒரு பத்திரிகையாளர் புகைப்படம் எடுத்திருந்தார். இந்த புகைப்படம் வெளியானதில் கடும் கோபம் கொண்ட அவர் புகைப்பட கலைஞர்களை திட்டியதோடு, உங்களுக்கு வேறு வேலையே என்றும் கேள்வி எழுப்பியிருந்தார்.

இந்த நிலையில் டாப்சியின் 'கேம் ஓவர்' திரைப்படத்தின் டிரைலர் வெளியீட்டு விழாவில் கலந்து கொண்ட அனுராக் காஷ்யப் இதுகுறித்து பேசியபோது, 'பத்திரிகையில் பணிபுரியும் புகைப்பட கலைஞர்கள் வேறொருவரின் தனிப்பட்ட இடங்களில் புகைப்படம் எடுப்பதை தவிர்க்க வேண்டும்., நான் தனிப்பட்ட வேலையை செய்து கொண்டிருக்கும்போது ஒருவர் என்னை புகைப்படம் எடுத்தால் எனது அந்தரங்கத்தில் ஊடுருவதாகத்தான் அர்த்தம். இந்த மாதிரியான நேரங்களில் நான் செல்பி கூட எடுக்க அனுமதிப்பதில்லை. எனக்கு சரியென்று தோன்றியதால் இதனை நான் கூறுகிறேன்' என்று கூறினார்.

புகைப்பட கலைஞர்கள் சர்ச்சைக்குரிய வகையில் பேசியதால் இந்த விழாவில் அனுராக் காஷ்யப்பை மட்டும் புகைப்படம் எடுக்க பத்திரிகையாளர்கள் மறுத்துவிட்டனர் என்பது குறிப்பிடத்தக்கது
 

Get Breaking News Alerts From IndiaGlitz