అనుష్కకి విలన్ గా..
- IndiaGlitz, [Friday,January 19 2018]
అరుంధ‌తి, బాహుబ‌లి చిత్రాల త‌రువాత మ‌రోసారి అభిన‌యానికి అవ‌కాశ‌మున్న పాత్ర‌లో అనుష్క న‌టిస్తున్న చిత్రం భాగ‌మ‌తి. పిల్ల జ‌మీందార్ ఫేమ్ అశోక్ ద‌ర్శ‌క‌త్వం వ‌హించిన ఈ చిత్రాన్ని యువి క్రియేష‌న్స్ సంస్థ నిర్మించింది. తెలుగుతో పాటు త‌మిళ్‌, మ‌ల‌యాళం భాష‌ల్లో కూడా ఈ సినిమా విడుదల కాబోతోంది. పొలిటిక‌ల్ థ్రిల్ల‌ర్‌గా తెర‌కెకెక్కిన ఈ సినిమాలో.. ఉన్ని ముకుంద‌న్‌, జ‌య‌రామ్‌, ఆశా శ‌ర‌త్ కీల‌క పాత్ర‌ల్లో క‌నిపించ‌నున్నారు.
అలాగే ఆది పినిశెట్టి కూడా ఓ ముఖ్య‌మైన పాత్ర చేశాడు. అయితే.. ట్రైల‌ర్‌లో త‌న‌ని ఎక్క‌డా చూప‌క‌పోవ‌డానికి కార‌ణం.. విల‌న్‌గా త‌ను చేసిన పాత్ర తాలుకూ ఓ డిఫ‌రెంట్ గెట‌ప్ ఉండ‌డ‌మేన‌ని తెలిసింది. స‌రైనోడు, అజ్ఞాత‌వాసి చిత్రాల్లో విలన్ పాత్ర‌ల్లో మెప్పించిన ఆదికి ఈ సినిమా.. గ‌త చిత్రాల‌కి మించిన గుర్తింపు తీసుకువ‌స్తుంద‌ని చిత్ర వ‌ర్గాలు పేర్కొంటున్నాయి. జనవరి 26న ఈ సినిమా ప్రేక్షకుల ముందుకు రానుంది.