இசை புயல் ஏ.ஆர். ரஹ்மான் இன்று காலை உடல் நலக் குறைவு காரணமாக சென்னை அப்பல்லோ மருத்துவமனையில் அனுமதிக்கப்பட்டார். தற்போது அவர் டிஸ்சார்ஜ் செய்யப்பட்டுள்ளதாக மருத்துவமனை நிர்வாகம் அறிக்கை வெளியிட்டுள்ளது.

அப்பல்லோ மருத்துவமனை வெளியிட்ட அறிக்கையில், ‘நீரிழப்பு காரணமாக ஏ.ஆர். ரஹ்மான் மருத்துவமனையில் அனுமதிக்கப்பட்டதாகவும், வழக்கமான பரிசோதனைகளுக்கு பின்னர் அவர் டிஸ்சார்ஜ் செய்யப்பட்டதாகவும் கூறப்பட்டுள்ளது.

அதேபோல், ஏ.ஆர். ரஹ்மானின் மகன் தனது சமூக வலைத்தளத்தில், "எனது அப்பாவுக்கு நீர்ச்சத்து குறைவு காரணமாக மருத்துவமனையில் அனுமதிக்கப்பட்டிருந்தார். வழக்கமான பரிசோதனைகள் மட்டும் செய்யப்பட்டது. தற்போது அவர் கடவுள் அருளால் நலம் பெற்று டிஸ்சார்ஜ் செய்யப்பட்டுள்ளார். அவர் உடல்நலம் குணமாக வேண்டும் என்று வாழ்த்திய அனைவருக்கும் எங்கள் நன்றி," என்று தெரிவித்துள்ளார்.

மேலும், ஏ.ஆர். ரஹ்மானின் சகோதரியும் தனது சமூக வலைதள பக்கத்தில், "நீரிழப்பு காரணமாக டிரிப்ஸ் ஏற்றினார்கள். இப்போது பரவாயில்லை. தொடர்ச்சியான பயணம் காரணமாக அவருக்கு சோர்வு இருந்தது, அவ்வளவுதான்," என்று கூறியுள்ளார்.