ஆஸ்கார் நாயகன் ஏ.ஆர்.ரஹ்மான் அவர்கள் சூப்பர் ஸ்டார் ரஜினிகாந்த் அவர்கள் மீது மிகுந்த மதிப்பும் மரியாதையும் வைத்திருக்கிறார் என்பது அனைவரும் அறிந்ததே. ரஜினியின் பல சூப்பர் ஹிட் படங்களுக்கு அவர் இசையமைத்துள்ளார் என்பது குறிப்பிடத்தக்கது.

இந்த நிலையில் ஏ.ஆர்.ரஹ்மான் தன்னுடைய இன்ஸ்டாகிராம் பக்கத்தில் 20 வருடங்களுக்கு முன் தன்னுடைய மகள் காதிஜா உடன் எடுத்த புகைப்படத்தை தற்போது பகிர்ந்துள்ளார். இந்தப்படம் கடந்த 1999ஆம் ஆண்டில் சூப்பர் ஸ்டார் ரஜினிகாந்த் நடித்த படையப்பா படத்தின் படப்பிடிப்பின்போது எடுக்கப்பட்டதாக அவர் தனது மலரும் நினைவுகளை நினைவு கூர்ந்துள்ளார். மேலும் என்னுடைய செல்ல இளவரசி தலைவருடன் நிற்கும் புகைப்படம் என்று ஏ.ஆர்.ரஹ்மான் அந்த பதிவில் குறிப்பிட்டுளார்.

ஏ.ஆர்.ரஹ்மான் மகளை கையில் தூக்கி வைத்துக்கொண்டு புன்சிரிப்புடன் இருக்கும் ரஜினிகாந்த்தின் இந்த புகைப்படம் தற்போது இணையத்தில் வைரலாகி வருகிறது. இந்த புகைப்படத்திற்கு வழக்கம்போல் ரசிகர்களின் பாசிட்டிவ் கமெண்டுகள் பதிவாகி வருகின்றன என்பது குறிப்பிடத்தக்கது.
 

View this post on Instagram

A post shared by ARR (@arrahman)