അര്‍ജുന്‍ അശോകൻ്റെ 'തീപ്പൊരി ബെന്നി': ഫസ്റ്റ് ലുക്ക് പോസ്റ്റര്‍ പുറത്ത്
- IndiaGlitz, [Monday,April 17 2023]
ജോജി തോമസ്സും രാജേഷ് മോഹനും ചേര്‍ന്നു സംവിധാനം ചെയ്യുന്ന ചിത്രം 'തീപ്പൊരി ബെന്നി' യുടെ ഫസ്റ്റ് ലുക്ക് പോസ്റ്റര്‍ റിലീസായി. ഒരു കുല പഴവുമായി നടന്നു വരുന്ന അര്‍ജുന്‍ അശോകൻ്റെ ചിത്രമാണ് പോസ്റ്ററിലുള്ളത്. ഷെബിൻ ബക്കർ പ്രൊഡക്ഷൻസിൻ്റെ ബാനറിൽ ഷെബിൻ ബക്കർ ആണ് ചിത്രം നിർമ്മിക്കുന്നത്. തീവ്ര ഇടതുപക്ഷ രാഷ്ട്രീയ പ്രവർത്തകനായ വട്ടക്കുട്ടയിൽ ചേട്ടായിയുടേയും മകൻ തീപ്പൊരി ബെന്നിയുടേയും കഥയാണ് ചിത്രം പറയുന്നത്. വട്ടക്കുട്ടയിൽ ചേട്ടായിയെ ജഗദീഷും മകൻ ബെന്നിയെ അർജുൻ അശോകനും അവതരിപ്പിക്കുന്നു. രാഷ്ട്രീയവും കൃഷിയും പ്രണയവും പ്രമേയമായി വരുന്ന ചിത്രത്തിൽ ടി.ജി രവി, പ്രേംപ്രകാശ്, ഷാജു ശ്രീധര്‍, സന്തോഷ് കീഴാറ്റൂര്‍, ശ്രീകാന്ത് മുരളി, റാഫി, ചക്കപ്പഴം ഫെയിം നിഷാ ബാരംഗ് എന്നിവരും മറ്റ് പ്രധാന കഥാപാത്രങ്ങളെ അവതരിപ്പിക്കുന്നുണ്ട്. സംഗീതം: ശ്രീരാഗ് സജി, ഛായാഗ്രഹണം: അജയ് ഫ്രാൻസിസ് ജോർജ്, എഡിറ്റിംഗ്: സൂരജ് ഇ.എസ്, കലാസംവിധാനം: മിഥുൻ ചാലിശ്ശേരി എന്നിവരാണ്.