close
Choose your channels

డైరెక్ట‌ర్‌గా మారుతున్న ఆర్ట్ డైరెక్ట‌ర్‌..?

Saturday, August 8, 2020 • తెలుగు Comments

సినిమా రంగంలోకి అడుగు పెట్టేవారికి ఒక్కొక్క‌రికీ ఒక్కో క‌ల ఉంటుంది. కొంద‌రు హీరోలు కావాల‌ని, గొప్ప న‌టులు కావాల‌ని, మ‌రికొంద‌రు మంచి నిర్మాత‌లుగా పేరు తెచ్చుకోవాలని, కొంద‌రు ద‌ర్శ‌కులుగా గొప్ప సినిమాలు తీయాల‌ని అనుకుంటారు. అలా ఆర్ట్ డైరెక్ట‌ర్‌గా వ‌చ్చిన ఓ వ్య‌క్తి ద‌ర్శ‌కుడు కావాల‌ని క‌లక‌న్నాడు. త్వ‌ర‌లోనే ద‌ర్శ‌కుడిగా మారుతున్నాడ‌ని లేటెస్ట్ సినీ వ‌ర్గాల స‌మాచారం. వివ‌రాల్లోకెళ్తే.. మ‌గ‌ధీర‌, ఈగ స‌హా ప‌లు విజ‌య‌వంత‌మైన చిత్రాల‌కు క‌ళా ద‌ర్శ‌కుడిగా ప‌నిచేసిన ఆర్ట్ డైరెక్ట‌ర్ ర‌వీంద‌ర్ ఓ థ్రిల్ల‌ర్ క‌థ‌ను సిద్ధం చేసుకున్నాడ‌ట‌. ఆ క‌థ‌ను న‌చ్చిన ఓ ప్ర‌ముఖ నిర్మాణ సంస్థ ర‌వీంద‌ర్‌ని ద‌ర్శ‌కుడిగా పెట్టి సినిమా చేయ‌డానికి ఓకే చెప్పింద‌ట‌. ఇంత‌కూ ఆ నిర్మాణ సంస్థ ఏదో తెలుసా? యువీ క్రియేష‌న్స్‌.

కొత్త టాలెంట్‌ను ఎంక‌రేజ్ చేసి స‌క్సెస్ అందుకుంటున్న నిర్మాణ సంస్థ‌ల్లో యువీ క్రియేష‌న్స్ ఒక‌టి. ఈ సంస్థ భారీ బ‌డ్జెట్ చిత్రాలే కాదు.. చిన్న బ‌డ్జెట్ చిత్రాల‌ను కూడా నిర్మిస్తుంటుంది. ఆ కోవ‌లో ర‌వీంద‌ర్ ద‌ర్శ‌క‌త్వంలో ఓ లో బ‌డ్జెట్ మూవీ ప్లాన్ చేసింద‌ట‌. త్వ‌ర‌లోనే ఈ సినిమాపై ఓ స్టాండ్ తీసుకోనున్నార‌ని స‌మాచారం. ప్ర‌స్తుతం ప్ర‌భాస్ హీరోగా న‌టిస్తోన్న ‘రాధేశ్యామ్’ చిత్రానికి ఆర్ట్ డైరెక్టర్‌గా వర్క్ చేస్తున్నారు.

Get Breaking News Alerts From IndiaGlitz