அருண்விஜய்யுடன் மீண்டும் கூட்டணி சேரும் பிரபல இயக்குனர்
- IndiaGlitz, [Tuesday,March 14 2017]
சமீபத்தில் வெளியான அருண்விஜய்யின் 'குற்றம் 23' என்ற மெடிக்கல் க்ரைம் திரைப்படம் தமிழகம் முழுவதும் மாபெரும் வெற்றியை பெற்றுள்ளது. இந்த ஆண்டின் முதல் சூப்பர் ஹிட் படம் என்ற பெருமையை பெற்றுள்ள இந்த படம் அருண்விஜய்யின் திரையுலக வாழ்வில் பெரும் திருப்பத்தை ஏற்படுத்தியுள்ளது.
ஒரே ஒரு சூப்பர் ஹிட் வெற்றிக்காக பலவருடங்கள் காத்திருந்த அருண்விஜய்க்கு அவர் எதிர்பார்த்த வெற்றி கிடைத்துவிட்டதால் இனி அவர் இந்த வெற்றியை தக்க வைத்து கொள்ள அதிகமாக போராட வேண்டிய நிலை உள்ளது.
இந்நிலையில் அருண்விஜய்யின் சிறந்த படங்களில் ஒன்றாகிய 'தடையற தாக்க' படத்தை இயக்கிய இயக்குனர் மகிழ்திருமேனியுடன் இணைந்து ஒரு படத்தில் அவர் நடிக்கவுள்ளதாக தகவல்கள் வெளிவந்துள்ளது. மகிழ்திருமேனி கடைசியாக ஆர்யா நடித்த 'மீகாமன்' என்ற படத்தை இயக்கியிருந்தார் என்பது குறிப்பிடத்தக்கது
அருண்விஜய்-மகிழ்திருமேனி இணையும் இந்த படம் குறித்த தகவல்கள் மிகவிரைவில் வெளிவரும் என்று எதிர்பார்க்கப்படுகிறது.