அருண்விஜய்யின் 'குற்றம் 23' சென்னை ஓப்பனிங் வசூல் குறித்த தகவல்
- IndiaGlitz, [Monday,March 06 2017]
ஒவ்வொரு வாரமும், அந்தந்த வார இறுதி சென்னை பாக்ஸ் ஆபீஸ் விவரங்கள் குறித்து பார்த்து வருகிறோம். அந்த வகையில் கடந்த வெள்ளியன்று வெளியான அருண்விஜய்யின் 'குற்றம் 23' படத்தின் வார இறுதி சென்னை வசூல் குறித்து தற்போது பார்ப்போம்
பெரும் எதிர்ப்பார்புடன் அறிவழகன் இயக்கத்தில் அருண்விஜய்யின் நடிப்பில் வெளிவந்த 'குற்றம் 23' திரைப்படம் கடந்த வாரம் சென்னையில் 19 திரையரங்குக வளாகங்களில் 177 காட்சிகள் திரையிடப்பட்டு ரூ.60,38,210 வசூல் செய்துள்ளது. மேலும் திரையரங்குகளில் 90% பார்வையாளர்கள் இருந்தனர் என்பது குறிப்பிடத்தக்கது
ஊடகங்களின் பாசிட்டிவ் ரிசல்ட் மற்றும் சமூகவலைத்தளங்களில் கிடைத்த வரவேற்பு காரணமாக முதல் நாளை விட இரண்டாவது நாளில் இந்த படத்திற்கு அதிக வசூல் கிடைத்துள்ளது என்பது இந்த படத்தின் அதிக ஓப்பனிங் வசூலுக்கு ஒரு காரணம். அபாரமான ஓப்பனிங் வசூல் கொடுத்துள்ள இந்த படம் அருண்விஜய்யின் மிகச்சிறந்த ஓப்பனிங் வசூல் படம் என்பது குறிப்பிடத்தக்கது.