close
Choose your channels

அரவிந்த் சாமியை கொல்ல இத்தனை பேரா? 'வணங்காமுடி' டீசர்

Tuesday, August 3, 2021 • தமிழ் Comments

அரவிந்த் சாமி நடிப்பில் உருவான ’வணங்காமுடி’ என்ற திரைப்படம் நீண்ட காலமாக ரிலீசாகாமல் இருக்கும் நிலையில் தற்போது இந்த படம் விரைவில் வெளியாகவிருப்பதாக அறிவிக்கப்பட்டுள்ளது.

இந்த நிலையில் இந்த படத்தின் டீஸர் சற்று முன் வெளியாகி உள்ள நிலையில் இந்த டீசரில் ஹீரோ அரவிந்த் சாமியை கொலை செய்வதற்காக போலீஸார் உள்பட பலர் முயற்சித்து வருகின்றனர். அவர்களிடமிருந்து அரவிந்த்சாமி எப்படி தப்பிக்கிறார் என்பதுதான் வணங்காமுடியின் கதையை படத்தின் கதையாக இருக்கும் என்று எதிர்பார்க்கப்படுகிறது.

அரவிந்த்சாமி, ரித்திகா சிங், சிம்ரன், நந்திதா ஸ்வேதா, சாந்தினி தமிழரசன் உள்பட பலர் நடித்துள்ள இந்த படத்தை செல்வா இயக்கியுள்ளார். இவர் ஏற்கனவே அரவிந்த்சாமி நடித்த ’புதையல்’ என்ற படம் உள்பட பல திரைப்படங்களை இயக்கியுள்ளார் என்பது குறிப்பிடத்தக்கது. டி இமான் இசையில், கோகுல் ஒளிப்பதிவில் அந்தோணி படத்தொகுப்பில் உருவாகியுள்ள இந்த படத்தை மேஜிக் பாக்ஸ் நிறுவனம் தயாரித்துள்ளது என்பது குறிப்பிடத்தக்கது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz