close
Choose your channels

இதுதான் விஜய் பட டைட்டிலா? இணையத்தில் வைரலாகும் போஸ்டர்!

Friday, June 21, 2019 • தமிழ் Comments

தளபதி விஜய் நடித்து வரும் 63வது படமான 'தளபதி 63' படத்தின் ஃபர்ஸ்ட்லுக் இன்று மாலை 6 மணிக்கும் நாளை அதிகாலை 12 மணிக்கும் செகண்ட் லுக்கும் வெளிவரவுள்ள நிலையில் இந்த படத்தின் டைட்டில் என்னவாக இருக்கும் என்ற எதிர்பார்ப்பில் விஜய் ரசிகர்கள் மிகுந்த ஆர்வத்தில் உள்ளனர். 

இன்னும் ஏழு மணி நேரத்தில் இந்த படத்தின் டைட்டில் அதிகாரபூர்வமாக தெரிந்துவிடும் என்ற நிலையில் சற்றுமுன் விஜய் பட டைட்டிலுடன் கூடிய ஒரு போஸ்டர் இணையதளத்தில் வைரலாகி வருகிறது. இந்த போஸ்டரில் 'தளபதி 63' படத்தின் டைட்டில் 'அசால்ட்' என குறிப்பிடப்பட்டுள்ளது. 'தளபதி 63' படத்தின் டைட்டில் இதுவரை கேள்விப்படாத, டிக்சனரியிலேயே இல்லாத வார்த்தையாக இருக்கும் என பில்டப் கொடுக்கப்பட்ட நிலையில் 'அசால்ட்' என்ற டைட்டில் போஸ்டரை பார்த்து விஜய் ரசிகர்கள் ஏமாற்றம் அடைந்துள்ளதாக தெரிகிறது.  இருப்பினும் இந்த படத்தின் அதிகாரபூர்வ டைட்டில் வெளிவரும் வரை பொறுமை காப்போம்.

வரும் தீபாவளி திருநாள் அன்று வெளியாகவுள்ள இந்த படத்தில் விஜய்க்கு ஜோடியாக நயன்தாரா நடித்து வருகிறார். ஏ.ஆர்.ரஹ்மான் இசையில் அட்லி இயக்கத்தில் உருவாகி வரும் இந்த படத்தை ஏஜிஎஸ் நிறுவனம் மிகப்பெரிய பட்ஜெட்டில் தயாரித்து வருகிறது

Get Breaking News Alerts From IndiaGlitz