close
Choose your channels

బిగ్‌బికి ధైర్యం చెప్పిన కాసేపటికే.. అనుపమ్ ఖేర్‌ ఇంట కరోనా కల్లోలం

Sunday, July 12, 2020 • తెలుగు Comments

బిగ్‌బికి ధైర్యం చెప్పిన కాసేపటికే.. అనుపమ్ ఖేర్‌ ఇంట కరోనా కల్లోలం

కరోనా మహమ్మారి బాలీవుడ్‌ను భయపెడుతుంది. బిగ్‌బి అమితాబ్ బచ్చన్‌కు కరోనా అని ఆయన తన ట్విట్టర్ ద్వారా వెల్లడించగానే బాలీవుడ్ ప్రముఖ నటుడు అనుపమ్ ఖేర్ ఆయనకు ధైర్యం చెప్పారు. త్వరగా కోలుకోవాలని ఆకాంక్షించారు. ఇంతలోనే ఆయనకు కరోనా షాక్ ఇచ్చింది. ఆయన కుటుంబంలోనే కరోనా కల్లోలం రేపింది. తన కుటుంబంలో నలుగురికి కరోనా పాజిటివ్ అని తేలినట్టు అనుపమ్ ఖేర్ వెల్లడించారు. వాళ్లందరికీ ఓ ఆసుపత్రిలో చికిత్సను అందిస్తున్నట్టు ఆయన తెలిపారు.

‘‘మా అమ్మ దులారికి కరోనా పాజిటివ్‌గా నిర్ధారణ అయింది. మేము ఆమెను చికిత్స నిమిత్తం కోకిబెన్ ఆసుపత్రికి తరలించాము. అలాగే మా సోదరుడు, వదిన, మేనకోడలికి పాజిటివ్‌గా నిర్ధారణ అయింది. నేను కూడా పరీక్ష చేయించుకున్నాను. నాకు నెగిటివ్ వచ్చింది’’ అని అనుపర్ ఖేర్ వెల్లడించారు. కాగా బిగ్‌బి కుటుంబంలోనూ ఆయనతో పాటు ఆయన కుమారుడు అభిషేక్ బచ్చన్, కోడలు ఐశ్వర్యారాయ్, మనవరాలు ఆరాధ్యతో పాటు ఆయన కూతురి కుమార్తెకూ కరోనా పాజిటివ్‌గా నిర్ధారణ అయిన విషయం తెలిసిందే.

Get Breaking News Alerts From IndiaGlitz