அதர்வா நடித்த ‘DNA’ என்ற திரைப்படம் வரும் 20ஆம் தேதி திரையரங்குகளில் வெளியாக இருக்கும் நிலையில், இந்த படத்தின் டிரைலர் சற்றுமுன் வெளியாகி இணையத்தில் வைரலாகி வருகிறது.

அதர்வா மற்றும் நிமிஷா சஜயன் திருமணம் நடந்து குழந்தை பிறக்கும்போது, குழந்தையின் ‘DNA’வில் ஒரு சர்ச்சை ஏற்படுகிறது. அதர்வா குடும்பத்தினர் யாரும் நிமிஷாவை நம்பாமல் இருக்கும் நிலையில், அதர்வா என்ன முடிவெடுக்கிறார், அந்த ‘DNA’ சர்ச்சைக்குப் பின் உள்ள மர்மம் என்ன என்பதுதான் இந்த படத்தின் கதை என்பது ட்ரெய்லரிலிருந்து தெரிய வருகிறது.

’ஒருநாள் கூத்து’, ‘மான்ஸ்டர்’, ‘ஃபர்ஹானா’ போன்ற படங்களை இயக்கிய நெல்சன் வெங்கடேசன் இயக்கத்தில் உருவாகியுள்ள இந்த படத்தில், அதர்வா, நிமிஷா சஜயன், பாலாஜி சக்திவேல், ரமேஷ் திலக், விஜி சந்திரசேகர், ரித்விகா, சுப்பிரமணிய சிவா, கருணாகரன், 'பசங்க' சிவக்குமார் உள்ளிட்ட பலர் நடித்துள்ளனர்.

இந்த படத்தின். பாடல்களை ஐந்து இசையமைப்பாளர்கள் இசையமைத்திருக்க, பின்னணி இசையை ஜிப்ரான் இசையமைத்துள்ளார். இந்த படம் அதர்வாவுக்கு ஒரு திருப்பத்தை ஏற்படுத்துமா என்பதை பொறுத்திருந்து பார்ப்போம்.