శ్రీరెడ్డిపై దాడి
- IndiaGlitz, [Friday,March 22 2019]
శ్రీరెడ్డి అలియాస్ శ్రీశ‌క్తి మీద చెన్నైలో దాడి జ‌రిగింది. లైంగిక వేధింపుల గురించి, మీటూ గురించి శ్రీరెడ్డి ఇప్పటికీ పోరాడుతూనే ఉన్న సంగ‌తి తెలిసిందే. శ్రీ లీక్స్ పేరుతో ఆమె ఇండ‌స్ట్రీలోని ఎంద‌రి గురించో త‌న సోష‌ల్ ఖాతాల్లో రాసుకుంటూ వ‌స్తున్నారు. తాజాగా ఆమె త‌న బ‌యోపిక్ కోసం చెన్నైలో ఉంటున్నారు. ఈ నేప‌థ్యంలో ఆమె నివాసం ఉంటున్న ఇంటిపై గురువారం అర్థ‌రాత్రి గుర్తుతెలియ‌ని వ్య‌క్తులు దాడి చేశార‌ట.
దీని గురించి శ్రీరెడ్డి వ‌ల‌స‌ర‌వాక్కం పోలీసుల‌కు ఫిర్యాదు చేశారు. ''పొల్లాచ్చి ఇష్యూ గురించి మాట్లాడ‌టానికి నేను చెన్నైలో ఉన్నాను. నాకు ఇప్ప‌టికే ఎంతో మంది శ‌త్రువులున్నారు. అయితే ఎవ‌రోగానీ, గుర్తుతెలియ‌ని వ్య‌క్తులు నిన్న అర్థ‌రాత్రి మా ఇంటిపై దాడి చేశారు. భ‌గ‌వంతుడి ద‌య వ‌ల్ల నేను ప్రాణాల‌తో ఉన్నాను. వారెవ‌రో గుర్తుప‌ట్టాల్సిందిగా పోలీసుల‌ను అభ్య‌ర్థిస్తున్నాను'' అని సోష‌ల్ మీడియాలోనూ రాసుకున్నారు. శ్రీరెడ్డి ఇచ్చిన రిపోర్ట్ తీసుకుని పోలీసులు ద‌ర్యాప్తు చేస్తున్నారు.