ഏകദിന ലോക കപ്പിനുള്ള ഇന്ത്യന്‍ ക്രിക്കറ്റ് ടീമില്‍ സ്പിന്നര്‍ രവിചന്ദ്രന്‍ അശ്വിനെ ഉള്‍പ്പെടുത്തി. സെപ്റ്റംബര്‍ അഞ്ചിന് പ്രഖ്യാപിച്ച 15 അംഗ ടീമില്‍ അശ്വിനെ ഉള്‍പ്പെടുത്തിയിരുന്നില്ല. പരുക്കേറ്റ ഓള്‍റൗണ്ടര്‍ അക്‌സര്‍ പട്ടേലിന് പകരക്കാരനായാണ് അശ്വിനെ ടീമിലെടുത്തത്. ഏഷ്യാ കപ്പ് ടൂര്‍ണമെന്റിനിടെയാണ് അക്‌സര്‍ പട്ടേലിനു പരുക്കേറ്റത്. ആസ്ട്രേലിയക്കെതിരായ ഏകദിന പരമ്പരയിലെ മികച്ച പ്രകടനം അശ്വിന് ടീമിലെത്താൻ സഹായകമായി.

ഓസ്‌ട്രേലിയന്‍ പരമ്പരയിലെ അവസാന ഏകദിനത്തിനുള്ള ടീമില്‍ അക്‌സറിനെ ഉള്‍പ്പെടുത്തിയിരുന്നു എങ്കിലും പരുക്ക് ഭേദം ആകാത്തതിനാല്‍ കളിക്കാനായില്ല. ഏഷ്യാ കപ്പ് മത്സരത്തിനിടെ പരിക്കേറ്റ അക്സർ പട്ടേൽ ഇതുവരെ സുഖം പ്രാപിച്ചിട്ടില്ലെന്നാണ് റിപ്പോർട്ട്. ഇന്ത്യന്‍ ടീം: രോഹിത് ശര്‍മ (ക്യാപ്റ്റന്‍), ശുഭ്മാന്‍ ഗില്‍, വിരാട് കോലി, ശ്രേയസ് അയ്യര്‍, കെ എല്‍ രാഹുല്‍ (വിക്കറ്റ് കീപ്പര്‍), ഹാര്‍ദിക് പാണ്ഡ്യ (വൈസ് ക്യാപ്റ്റന്‍), രവീന്ദ്ര ജഡേജ, ജസ്പ്രീത് ബുംറ, മുഹമ്മദ് ഷമി, മുഹമ്മദ് സിറാജ്, കുല്‍ദീപ് യാദവ്, ഇഷാന്‍ കിഷന്‍ (വിക്കറ്റ് കീപ്പര്‍), ആര്‍ അശ്വിന്‍, ഷാര്‍ദുല്‍ താക്കൂര്‍, സൂര്യകുമാര്‍ യാദവ് എന്നിവരാണ്.