12 ఏళ్ల తరువాత బరిలోకి బాబాయ్,అబ్బాయ్
- IndiaGlitz, [Tuesday,October 06 2015]
2016 సంక్రాంతి ర‌స‌వ‌త్త‌రంగా మారింది. ఎందుకంటే.. నంద‌మూరి కుటుంబానికి చెందిన బాబాయ్, అబ్బాయ్ లైన బాల‌కృష్ణ, ఎన్టీఆర్‌లు ఆ ప‌ర్వ‌దినం సంద‌ర్భంగా త‌మ సినిమాల‌తో బరిలోకి దిగ‌బోతున్నారు. ఈ సీజ‌న్‌లో వ‌స్తాయ‌నుకున్న కొన్ని సినిమాలు వాయిదాల ప‌ర్వాన్ని కొన‌సాగిస్తుండ‌డంతో అంద‌రి క‌ళ్లు నంద‌మూరి వారి సినిమాల‌పై మ‌ళ్లింద‌న‌డంలో అతిశ‌యోక్తి లేదు.
వీటిలో ముందుగా ఎన్టీఆర్ హీరోగా సుకుమార్ రూపొందిస్తున్న 'నాన్న‌కు ప్రేమ‌తో' విడుద‌ల కానుంది. జ‌న‌వ‌రి 9న ఈ సినిమా రిలీజ్ డేట్‌ని ఫిక్స్ చేసుకుంది. ఇక నాలుగైదు రోజుల గ్యాప్‌తో బాల‌కృష్ణ 99వ చిత్రం 'డిక్టేట‌ర్' రిలీజ్ కానుంది. దీనికి శ్రీ‌వాస్ డైరెక్ట‌ర్‌. విశేష‌మేమిటంటే.. స‌రిగ్గా 12 ఏళ్ల క్రితం అంటే 2004లో జ‌న‌వ‌రి 1న 'ఆంధ్రావాలా'తో ఎన్టీఆర్, జ‌న‌వ‌రి 14 'ల‌క్ష్మీ న‌ర‌సింహా'తో బాల‌య్య అప్ప‌ట్లో సంక్రాంతి సీజ‌న్‌లో సంద‌డి చేశారు. అప్ప‌ట్లో బాబాయ్ దే పై చేయిగా నిలిచింది. ఈ సారి ఎవ‌రిని విజ‌య‌ల‌క్ష్మీ వ‌రిస్తుందో చూడాలి.