'బాహుబలి-2' ట్రైలర్ రిలీజ్ డేట్
- IndiaGlitz, [Saturday,March 11 2017]
ద‌ర్శ‌క‌ధీరుడు ఎస్.ఎస్.రాజ‌మౌళి తెర‌కెక్కిస్తోన్న విజువ‌ల్ వండ‌ర్ బాహుబలి కన్ క్లూజ‌న్ సినిమా కోసం తెలుగు సినీ ప‌రిశ్ర‌మే యావ‌త్ భార‌త సినిమా రంగం ఆస‌క్తిగా ఎదురుచూస్తుంది. అద్భుత‌మైన వ‌ర్చువ‌ల్ రియాలిటీ టెక్నాల‌జీతో తెర‌కెక్కిన బాహుబలి 2 చిత్రాన్ని ఎప్పుడెప్పుడు చూద్దామా అని ప్రేక్ష‌కులు ఆస‌క్తిగా ఉన్నారు. ఈ సినిమా ఏప్రిల్ 28న ప్ర‌పంచ వ్యాప్తంగా గ్రాండ్ లెవ‌ల్లో రిలీజ్ అవుతుంది.
అంత కంటే ముందు అంటే మార్చి 29 లేదా మార్చి 30న సినిమా ఆడియో విడుద‌ల చేయ‌డానికి ప్లాన్ చేస్తున్నారు. అంత కంటే ముందుగా సినిమాపై అంచ‌నాల‌ను మ‌రింత పెంచ‌డానికి ట్రైల‌ర్‌ను విడుద‌ల చేయ‌డానికి డైరెక్ట‌ర్ రాజ‌మౌళి స‌న్నాహాలు చేసుకుంటున్నారు. ట్రైల‌ర్‌ను ఈ మార్చి 16న రెండు తెలుగు రాష్ట్రాల్లోని థియేట‌ర్స్‌లో ప్ర‌ద‌ర్శిస్తార‌ట. అదే రోజు సాయంత్రం ఐదు గంట‌ల నుండి సోష‌ల్ మీడియాకు ట్రైలర్ అందుబాటులో ఉంటుంద‌ని స‌మాచారం.