சன் டிவியில் ஒளிபரப்பான "சுந்தரி" சீரியலில் முக்கிய கதாபாத்திரத்தில் நடித்த நடிகையின் வளைகாப்பு நிகழ்ச்சி நடைபெற்றுள்ளது. அதற்கான புகைப்படத்தை அவர் தனது இன்ஸ்டாகிராம் பக்கத்தில் பகிர்ந்துள்ளார். இந்த புகைப்படம் வைரலாகி வருவதால், ரசிகர்கள் அவருக்கு வாழ்த்துக்களை தெரிவித்து வருகின்றனர்.

சன் டிவியின் "சுந்தரி" என்ற சீரியலில் நாயகியாக நடித்து பிரபலமானவர் கேப்ரில்லா செல்லஸ். கருப்பாக இருப்பவர்கள் சீரியலில் நாயகியாக நடிக்க முடியாது என்ற எண்ணத்தை உடைத்து, திறமையை மட்டுமே நம்பி களத்தில் இறங்கி முன்னணி நடிகையாக மாறியவர். கேப்ரில்லா.

சன் டிவி மூலம் புகழ்பெற்ற அவர், அதன் பிறகு விஜய் டிவியில் பல்வேறு நிகழ்ச்சிகளில் கலந்து கொண்டார். சமூக வலைதளங்களில் இவர் பதிவிடும் வீடியோக்கள் இணையத்தில் வைரலாகும். நயன்தாரா நடித்த "ஐரா" , ரஜினிகாந்த் நடித்த "கபாலி", உட்பட சில திரைப்படங்களிலும் அவர் சிறப்பு கதாபாத்திரத்தில் நடித்திருக்கிறார்.

சமீபத்தில் திருமணம் செய்து கொண்ட கேப்ரில்லா கர்ப்பமாக இருப்பதாக தகவல் வெளியாகி இருந்தது. இந்நிலையில், இன்று அவரது வளைகாப்பு நிகழ்ச்சி நடைபெற்றது. இந்த விழாவில், "சுந்தரி" சீரியலில் பணிபுரிந்த பல பிரபலங்கள் கலந்து கொண்டு வாழ்த்துகளை தெரிவித்தனர்.

இந்த நிகழ்ச்சிக்கு உட்பட்ட புகைப்படங்களை அவர் தனது சமூக வலைத்தளத்தில் பகிர்ந்த நிலையில், அவை லைக்ஸ், கமெண்ட்கள் பெறுவதோடு வைரலாகியும் வருகிறது.

View this post on Instagram

A post shared by Gabriella sellus (@gabrellasellus_official)