பிக்பாஸ் நிகழ்ச்சியில் பாலசந்தர் பட நடிகர்! பரபரப்பு தகவல்
- IndiaGlitz, [Sunday,October 04 2020]
கமலஹாசன் தொகுத்து வழங்கும் பிக்பாஸ் நிகழ்ச்சி இன்று தொடங்கவுள்ள நிலையில் சற்று முன்னர் பிக்பாஸ் நிகழ்ச்சியின் முதல் நாள் புரமோ வீடியோ வெளியாகி வைரலாகி வருகிறது.
இந்த நிலையில் இந்த நிகழ்ச்சியில் கலந்துகொள்ளும் போட்டியாளர்கள் குறித்த தகவல்களை ஏற்கனவே பார்த்தோம். அந்த வகையில் நடிகர் சுரேஷ் இந்த நிகழ்ச்சியில் கலந்துகொள்ள இருப்பதாக செய்திகள் வெளியானது.
பெரும்பாலானோர் நடிகை நதியாவுடன் பல படங்களில் நடித்த நடிகர் சுரேஷ் தான் போட்டியாளர் என்று நினைத்திருந்த நிலையில் தற்போது கே பாலச்சந்தர் இயக்கிய ’அழகன்’ திரைப்படத்தில் நடித்த சுரேஷ் சக்கரவர்த்தான் பிக்பாஸ் போட்டியாளர் என்பது தெரியவந்துள்ளது.
கோலிவுட் திரையுலகில் ஒருசில திரைப்படங்களில் நடித்த சுரேஷ் கடந்த 80கள் மற்றும் 90களில் நடித்த நடிகர் நடிகைகளிடம் நெருக்கமான நட்பை கொண்டுள்ளார். இவர் தற்போது ஆஸ்திரேலியாவில் ரெஸ்டாரன்ட் நடத்திவருகிறார் என்பதும், இவர் ஒரு சிறந்த சமையல் கலைஞர் என்பதும் குறிப்பிடத்தக்கது.