బాలయ్య 102 సినిమా టైటిల్...
- IndiaGlitz, [Wednesday,May 17 2017]
అస‌లు బాలయ్య జోరు ఎవ‌రికీ అంతు చిక్క‌డం లేదు., గౌత‌మిపుత్ర శాత‌క‌ర్ణితో 100 సినిమాల‌ను పూర్తి చేసిన బాలయ్య తన 101వ సినిమాను పూరి జ‌గ‌న్నాథ్ ద‌ర్శ‌క‌త్వంలో చేస్తున్నాడు. ఈ సినిమా శ‌ర‌వేగంగా చిత్రీక‌ర‌ణ‌ను జ‌రుపుకుంటుంది. ఈ సినిమాను ద‌స‌రా సంద‌ర్భంగా సెప్టెంబర్ 29న విడుదల చేయ‌డానికి స‌న్నాహాలు చేస్తున్నారు.
ఈ సినిమా సెట్స్‌లో ఉండ‌గానే బాలయ్య కె.ఎస్.ర‌వికుమార్ ద‌ర్శ‌క‌త్వంలో సి.క‌ళ్యాణ్ నిర్మాత‌గా 102 సినిమాను స్టార్ట్ చేయ‌బోతున్నాడు. ఈ సినిమా జూలైలో ప్రారంభం అవుతుంది. ఆస‌క్తిక‌ర‌మైన విష‌య‌మేమంటే బాలయ్య 102వ సినిమాకు 'రెడ్డిగారు' అనే టైటిల్ ప‌రిశీల‌న‌లో ఉంద‌ని స‌మాచారం. స‌మ‌ర‌సింహారెడ్డి, చెన్న‌కేశ‌వ‌రెడ్డి వంటి చిత్రాల్లో మెప్పించిన బాలయ్య రెడ్డిగారు సంద‌డి చేయ‌నున్నాడు. అయితే ఇప్పుడు బాలయ్య పొలిటీషియ‌న్ మ‌రి ఇలాంటి టైటిల్స్ పెడితే ఎలా అని కూడా మరో వ‌ర్గం అనుకుంటున్నారు. మ‌రి తన టైటిల్ విష‌యంలో బాలయ్య ఏమ‌ని అంటారో.