మళ్లీ క్రేజీ కాంబో !!
- IndiaGlitz, [Tuesday,August 25 2020]
కొన్ని కాంబినేష‌న్స్ పై ప్రేక్ష‌కుల్లో ఆస‌క్తి బాగా ఉంటుంది. అలా ఆస‌క్తి రేపిన కాంబినేష‌న్స్‌లో నంద‌మూరి బాల‌కృష్ణ, డైరెక్ట‌ర్ పూరీ జ‌గ‌న్నాథ్ కాంబినేష‌న్ ఒక‌టి. వీరిద్ద‌రి కాంబోలో వ‌చ్చిన పైసా వ‌సూల్ చిత్రం మంచి క్రేజ్‌ను ద‌క్కించుకుంది. అప్ప‌టి వర‌కు బాల‌కృష్ణ‌ను ఎవ‌రూ చూపించ‌ని కొత్త కోణంలో పూరి స్క్రీన్‌పై చూపించారు. ఇప్పుడు ఈ కాంబో మ‌రోసారి తెర‌పై సంద‌డి చేయ‌నుంద‌ని స‌మాచారం. వివరాల్లోకెళ్తే.. బాల‌కృష్ణ త‌న తదుపరి పూరితో చేయాల‌నుకుని, ఆయ‌న‌కు విష‌యాన్ని చేర‌వేశార‌ట. పూరి కూడా అందుకు సుముఖంగానే ఉన్నార‌ట.
ప్ర‌స్తుతం విజ‌య్ దేవ‌ర‌కొండ‌తో ఫైట‌ర్ సినిమాను తెర‌కెక్కిస్తోన్న పూరీ జ‌గ‌న్నాథ్ తదుపరి ఓ సీనియ‌ర్ హీరోతో సినిమా చేస్తారంటూ కొన్నిరోజులుగా సోషల్ మీడియాలో వార్త‌లు షికార్లు చేస్తున్నాయి. మ‌ఖ్యంగా నాగార్జున, పూరి పేర్లు కూడా వినిపించాయి. ఈ నేప‌థ్యంలో ఇప్పుడు బాల‌కృష్ణ, పూరి కాంబినేష‌న్‌లో సినిమా అనే వార్త‌లు వ‌స్తున్నాయి. ప్ర‌స్తుతం బాల‌య్య, బోయ‌పాటి ద‌ర్శ‌క‌త్వంలో త‌న 106వ సినిమాను ఎప్పుడెప్పుడు పూర్తి చేసి కొత్త సినిమాను స్టార్ట్ చేయాలా? అని ఆస‌క్తిగా ఎదురుచూస్తున్నార‌ట. మ‌రి పూరి ఫైట‌ర్ త‌ర్వాత ఏ సినిమా చేస్తాడో, ఎవ‌రితో సినిమా చేస్తారోన‌నే విష‌యం ఆస‌క్తిక‌రంగా మారింది.