సినారె సేవలు చిరస్మరణీయం! - నందమూరి బాలకృష్ణ
- IndiaGlitz, [Monday,June 12 2017]
తెలుగు భాష‌కు సి. నారాయ‌ణ‌రెడ్డిగారు చేసిన సేవలు చిరస్మరణీయం. మా నాన్న‌గారు స్వ‌ర్గీయ తారక రామారావుగారి ద్వారా తెలుగు సినీ ప‌రిశ్ర‌మ‌లో అడుగుపెట్టిన ఆయ‌న, నాన్న‌గారి ద్వారానే సాంస్కృతికంగా ప‌లు శాఖ‌ల‌కు సార‌థ్యం వ‌హించి తెలుగు భాష‌కు ప‌లు సేవ‌లందించారు. పండితుల నుంచి పామ‌రుల వ‌ర‌కు అంద‌రినీ ఏక‌కాలంలో మెప్పించ‌గ‌లిగే సాహిత్యాన్ని అందించి తెలుగు సినిమా పాట గౌర‌వాన్ని ఇనుమ‌డింప‌జేశారు. నేను న‌టించిన ఎన్నో సినిమాల‌కు కూడా ఆయ‌న పాట‌ల‌ను రాశారు. ఆయ‌న క‌న్నుమూశార‌ని తెలిసి తీర‌ని బాధ క‌లిగింది. సాహితీ లోకానికి ఆయ‌న లేని లోటు తీర్చ‌లేనిది. ఆయ‌న కుటుంబానికి నా ప్ర‌గాఢ సంతాపాన్ని వ్య‌క్తం చేస్తున్నాను.