close
Choose your channels

ఎమ్మెల్సీ కవితకు బండ్ల గణేష్ కౌంటర్..

Sunday, November 29, 2020 • తెలుగు Comments
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com

ఎమ్మెల్సీ కవితకు బండ్ల గణేష్ కౌంటర్..

నిర్మాత, నటుడు బండ్ల గణేష్ పేరును ప్రస్తావిస్తూ.. బండి సంజయ్.. ఆయనకు మించిన కమెడియన్ అయ్యారని కేసీఆర్ తనయురాలు.. ఎమ్మెల్సీ కవిత ఎద్దేవా చేశారు. దీనిపై తాజాగా బండ్ల గణేష్ ట్విట్టర్ వేదికగా స్పందించారు. ముషీరాబాద్ నియోజవర్గం గాంధీ నగర్ డివిజన్ లో.. ఎమ్మెల్సీ కవిత ఆదివారం పాదయాత్ర నిర్వహించారు. ఈ సందర్భంగా ఆమె మాట్లాడుతూ... గత ముందస్తు ఎన్నికల్లో కామెడీ చేసేందుకు బండ్ల గణేష్ అనే వ్యక్తి ప్రజలందరినీ కడుపుబ్బా నవ్వించాడన్నారు. అంతటితో ఆగక ప్రస్తుతం జరుగుతున్న జీహెచ్ఎంసీ ఎన్నికల్లో.. బీజేపీ అధ్యక్షుడు బండి సంజయ్ అనే వ్యక్తి బండ్ల గణేష్‌ని మించిన కమెడియన్ అయ్యాడన్నారు.

తాజాగా కవిత వ్యాఖ్యలపై బండ్ల గణేష్ స్పందించారు. కవితకు అదిరిపోయే కౌంటర్ ఇచ్చారు. తానేమీ కమెడియన్ కానని.. తానొక ఫైటర్ అని బండ్ల గణేష్ ట్విట్టర్ వేదికగా కవితను ఉద్దేశించి తెలిపారు. తాను రాజకీయాల్లో తలదూర్చాలని అనుకోవడం లేదని తేల్చి చెప్పారు. ‘‘కవిత గారూ.. నేనేమీ జోకర్‌ని కాను... నేనొక ఫైటర్‌ని. ప్రస్తుతం నేను రాజకీయాల్లో తలదూర్చాలనుకోవడం లేదు. ఆల్ ది బెస్ట్’’ అని ట్వీట్‌లో పేర్కొన్నారు.

ఢిల్లీ నుంచి వచ్చే టూరిస్టుల మాటలు పట్టించుకోరు..

పాదయాత్రలో భాగంగా కవిత ఇంకా మాట్లాడుతూ.. పూటకో మాట.. రోజుకో వేషం వేసి కమెడియన్‌గా మాట్లాడుతూ నగర ప్రజలను కామెడీతో ఆకట్టుకుంటున్నాడని బండి సంజయ్‌ను విమర్శించారు. తెలంగాణ ప్రజలు చాలా చైతన్యవంతమైన వారని.. ఇలాంటి కమెడియన్.. ఢిల్లీ నుంచి వచ్చే టూరిస్టుల మాటలు పట్టించుకోరని కవిత పేర్కొన్నారు. తెలంగాణ రాష్ట్ర ఏర్పాటులో డిసెంబర్ 29 దీక్ష దివస్ చాలా కీలకమైన ఘట్టమన్నారు. అదే స్ఫూర్తి తో తెలంగాణ అభివృద్ధి కోసం కృషి చేయాలన్నారు. జరుగుతున్న జీహెచ్ ఎంసీ ఎన్నికల్లో.. వందకు పైగా డివిజన్‌లో టీఆర్ఎస్ పార్టీని గెలిపించాలని ప్రజలను కోరుతున్నానన్నారు.

Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్‌సైట్‌ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.