close
Choose your channels

ஜார்ஜியாவை அடுத்து மீண்டும் வெளிநாடு பறக்கும் 'பீஸ்ட்' குழுவினர்!

Friday, July 30, 2021 • தமிழ் Comments

தளபதி விஜய் நடித்து வரும் ‘பீஸ்ட்’ படத்தின் முதல் கட்ட படப்பிடிப்பு ஜார்ஜியாவில் நடைபெற்ற நிலையில் இந்த படத்தின் அடுத்தகட்ட படப்பிடிப்பு மீண்டும் வெளிநாட்டில் நடைபெற இருப்பதாக தகவல் வெளிவந்துள்ளது.

தளபதி விஜய் நடிப்பில் நெல்சன் இயக்கத்தில் சன் பிக்சர்ஸ் நிறுவனம் பிரம்மாண்டமாக தயாரித்து வரும் திரைப்படம் ‘பீஸ்ட்’. இந்த படத்தின் படப்பிடிப்பு கடந்த பிப்ரவரி மாதம் ஜார்ஜியா நாட்டில் நடைபெற்றது. அதன் பின்னர் ஊரடங்கு காரணமாக சில மாதங்கள் படப்பிடிப்பு நிறுத்தப்பட்டு சென்னையில் அடுத்தகட்ட படப்பிடிப்பு நடைபெற்றது. சென்னை படப்பிடிப்பில் விஜய், பூஜா ஹெக்டே சம்பந்தப்பட்ட பாடல் காட்சிகள் மற்றும் சில முக்கிய காட்சிகள் படமாக்கப்பட்டது என்பது குறிப்பிடத்தக்கது.

இந்த நிலையில் இந்த படத்தின் மூன்றாம் கட்ட படப்பிடிப்பு வரும் திங்கள் முதல் தொடங்க இருப்பதாகவும் இந்த படப்பிடிப்பு முடிந்தவுடன் படக்குழுவினர் வரும் செப்டம்பர் மாதம் ரஷ்யா செல்ல உள்ளதாகவும் தகவல்கள் வெளிவந்துள்ளன. ரஷ்யாவில் அதிரடி ஆக்ஷன் காட்சிகள் படமாக்கப்பட உள்ளதாகவும் கூறப்படுகிறது.

‘பீஸ்ட்’ படத்தை வரும் 2022ஆம் ஆண்டு பொங்கல் தினத்தில் வெளியிட சன் பிக்சர்ஸ் நிறுவனம் திட்டமிட்டுள்ளதாகவும் அதற்கேற்ற வகையில் பணிகள் விறுவிறுப்பாக நடைபெற்று வருவதாகவும் கூறப்படுகிறது.

Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.   

Get Breaking News Alerts From IndiaGlitz