close
Choose your channels

బెల్లంకొండ శ్రీనివాస్ బాలీవుడ్ ఎంట్రీ

Friday, November 27, 2020 • తెలుగు Comments

బెల్లంకొండ శ్రీనివాస్ బాలీవుడ్ ఎంట్రీ

టాలీవుడ్ యువ కథానాయకుడు బెల్లంకొండ శ్రీనివాస్ బాలీవుడ్ ఎంట్రీ ఖరారైంది. కొన్ని రోజులుగా బెల్లంకొండ శ్రీనివాస్ బాలీవుడ్ ఎంట్రీపై సోష‌ల్ మీడియాలో ప‌లు వార్త‌లు వినిపిస్తున్నాయి. ఈ వార్త‌ల‌ను నిజం చేస్తూ చిత్ర యూనిట్ అధికారిక ప్ర‌క‌ట‌న‌ను వెలువ‌రిచారు. తెలుగులో స్టార్ హీరో ప్ర‌భాస్‌ను మాస్ ప్రేక్ష‌కుల‌కు ద‌గ్గ‌ర చేసిన మూవీ ‘ఛ‌త్ర‌ప‌తి’ని బాలీవుడ్‌లో రీమేక్ చేస్తున్నారు. శ్రీనివాస్‌ను తెలుగు ప్రేక్ష‌కులకు ‘అల్లుడు శీను’ సినిమాతో ప‌రిచ‌యం చేసిన డైరెక్ట‌ర్ వి.వి.వినాయ‌క్‌.. బాలీవుడ్ ప్రేక్ష‌కుల‌కు ప‌రిచ‌యం చేయ‌నున్నారు. ఇక్క‌డ ప్ర‌స్తావించాల్సిన విష‌య‌మేమంటే.. వినాయ‌క్‌కు కూడా ఇదే బాలీవుడ్ డెబ్యూ మూవీ.

ద‌ర్శ‌కధీరుడు తెర‌కెక్కించిన ఛ‌త్ర‌ప‌తి సినిమాను వినాయ‌క్ ఎలా ప్రెజంట్ చేస్తాడ‌నేది ఆస‌క్తిక‌రంగా మారింది. పెన్ స్టూడియోస్ బ్యాన‌ర్‌పై జ‌యంతి లాల్ గ‌డ ఈ చిత్రాన్ని నిర్మిస్తున్నారు. త్వ‌ర‌లోనే ఈ సినిమాలో న‌టించ‌బోయే ఇత‌ర న‌టీన‌టుల గురించి ప్ర‌క‌ట‌న వెలువ‌డ‌నుంది. మ‌ద‌ర్ సెంటిమెంట్ ప్ర‌ధాన పాయింట్‌గా స‌ముద్ర తీర ప్రాంతంలో దందా చేసే ఓ మాఫియా చేతిలో చిక్కుకున్న యువ‌కుడు డాన్ రేంజ్‌కు ఎలా ఎదిగాడు.. ఆ క్ర‌మంలో దూర‌మైన త‌న త‌ల్లి ప్రేమ‌ను ఎలా ద‌క్కించుకున్నాడ‌నే క‌థాంశ‌మే ఇది. ఈ సినిమాను వినాయ‌క్ ఎలా తెర‌కెక్కిస్తాడ‌నేది అంద‌రిలో తెలియ‌ని ఓ ఆస‌క్తిని రేపుతోంది.

Get Breaking News Alerts From IndiaGlitz