close
Choose your channels

அமலாபால் கணவராக நடித்தவருக்கு கொரோனா: தனிமைப்படுத்தி கொண்டதாக அறிவிப்பு

Friday, September 11, 2020 • தமிழ் Comments

அமலாபால் கணவராக நடித்த நடிகருக்கு கொரோனா வைரஸ் தொற்று உறுதி செய்யப்பட்டுள்ளதால் அவர் வீட்டில் தன்னைத்தானே தனிமைப் படுத்திக் கொண்டுள்ளார்.

கடந்த 2018ஆம் ஆண்டு இயக்குனர் சித்திக் இயக்கத்தில் அரவிந்த்சாமி, அமலாபால் நடித்த திரைப்படம் ’பாஸ்கர் ஒரு ராஸ்கல்’. இந்த திரைப்படத்தில் அமலாபாலின் கணவராக பிரபல பாலிவுட் நடிகர் அஃப்தாப் என்பவர் நடித்திருந்தார். இந்த நிலையில் இவருக்கு தற்போது கொரோனா வைரஸ் தொற்று உறுதி செய்யப்பட்டுள்ளதாகவும் இதனை அடுத்து அவர் தன் வீட்டிலேயே தனிமைப்படுத்தி கொண்டதாகவும் தனது சமூக வலைத்தளத்தில் குறிப்பிட்டுள்ளார்.

தனக்கு லேசான காய்ச்சல் மற்றும் இருமல் இருந்ததை அடுத்து கொரோனா வைரஸ் சோதனை செய்து கொண்டதாகவும் துரதிஷ்டவசமாக தனக்கு பாசிட்டிவ் ரிசல்ட் வந்ததாகவும் அவர் தெரிவித்துள்ளார். இதனை அடுத்து மருத்துவர்களின் அறிவுரைக்கு ஏற்ப வீட்டிலேனே தன்னை தனிமைப்படுத்தி கொண்டதாகவும் தன்னுடன் கடந்த சில நாட்களாக தொடர்பில் இருந்தவர்களும் பரிசோதனை செய்து கொள்ளுங்கள் என்றும் அவர் அறிவித்துள்ளார்.

மேலும் ரசிகர்களின் வாழ்த்துக்கள் மற்றும் பிரார்த்தனை காரணமாக மிக விரைவில் நான் குணமாகிவிடுவேன் என்ற நம்பிக்கை தனக்கு இருப்பதாகவும் அவர் கூறியுள்ளார். மேலும் பொதுமக்கள் அனைவரும் மாஸ்க் அணிந்து வெளியே செல்லுங்கள் என்றும் சானிடைசர்களைப் பயன்படுத்துங்கள் என்றும் தங்களுடைய உயிரை காப்பாற்றிக்கொள்ள தாங்களே பாதுகாப்புடன் இருக்க வேண்டும் என்றும் அனைவரும் இணைந்து கொரோனாவுக்கு எதிராக போராடுவோம் என்றும் நடிகர் அஃப்தாப் கூறியுள்ளார்.

Get Breaking News Alerts From IndiaGlitz