బిగ్ మ‌న‌సున్న బిగ్ బి
- IndiaGlitz, [Saturday,October 20 2018]
బాలీవుడ్ బిగ్ బి అమితాబ్ బ‌చ్చ‌న్ స్టార్ స్టేట‌స్‌లోనే కాదు.. మ‌న‌సులో కూడా పెద్ద‌వాడినే అని ప్రూవ్ చేసుకున్నారు. గ‌తంలో ఆంధ్ర, విద‌ర్భ ప్రాంత రైతుల రుణ మాఫీకి తోడ్పాటు అందించిన అమితాబ్ ఇప్పుడు ఉత్త‌ర‌ప్ర‌దేశ్ రైతుల రుణ‌మాఫీ చేయ‌డానికి ముందుకు వ‌చ్చారు. ఉత్త‌ర‌ప్ర‌దేశ్‌కు చెందిన 850 మంది రైతుల రుణాల‌ను తాను తీరుస్తానంటూ ముందుకు వ‌చ్చారీయ‌న.
వీరి మొత్తం రుణాలు 5.5 కోట్ల రూపాయ‌లుగా తెలిసింది. మ‌న కోసం ఎన్నో త్యాగాలు చేసే అన్న‌దాత‌ల కోసం ఈ చిన్న సాయం చేయ‌డం ఆత్మ సంతృప్తినిస్తుంది అని త‌న బ్లాగ్‌లో పేర్కొన్నాయ‌రాయ‌న. అంతే కాకుండా వ్య‌బిచార గృహాల్లో దుర్బ‌ర జీవితం గడుపుతున్న వారి పున‌రావాసం, సంర‌క్ష‌ణ కోసం పాటు ప‌డుతున్న అజిత్ అనే వ్య‌క్తికి కూడా తాను చెక్కును అందించ‌బోతున్న‌ట్లు తెలిపారు.