கடைசி வாரத்தில் ஷிவினை கதறி அழவைத்த போட்டியாளர்: கமல் நெகிழ்ச்சி
- IndiaGlitz, [Sunday,January 15 2023]
பிக்பாஸ் நிகழ்ச்சியின் கடைசி வாரம் இன்று நடைபெற்று வரும் நிலையில் அடுத்த வாரம் கிரான்ட் ஃபினாலே நடைபெற உள்ளது என்பதும் இறுதி போட்டிக்கு தகுதி பெற்ற போட்டியாளர்களில் ஒருவர் டைட்டில் வின்னராக தேர்வு செய்யப்படுவார் என்பதும் தெரிந்ததே.
இந்த நிலையில் சற்றுமுன் வெளியான புரமோ வீடியோவில் இந்த வீட்டில் உள்ள யாராவது ஒருவருக்கு கண்டிப்பாக நன்றி சொல்லியே ஆகணும் என்று நீங்கள் நினைக்கும் நபர் ஒருவரை சொல்லலாம்’ என கமல் கூற முதலாவது ஷிவின் எழுந்து, ரக்சிதாவை கூறுகிறார்.
அதன்பின் தனலட்சுமி என்ற ஒரு அழகான தங்கச்சி எனக்கு கிடைத்துள்ளார் என்று கதிரவன் கூறினார். இதனை அடுத்து ’என்னை அப்பா ஸ்தானத்தில் வைத்து அழைத்த குயின்ஸிக்கு நன்றி சொல்கிறேன் என்று ராபர்ட் மாஸ்டர் கூறுகிறார். இதனையடுத்து மகேஸ்வரி எழுந்து அசிம் அண்ணாவுடன் எனக்கு ஒரு பெரிய கனெக்ட் இருக்கிறது அவருக்கு எனது நன்றி என்று கூறினார்.
இதனையடுத்து ராம் எழுந்து, ‘என்க்கு ஒரு சிஸ்டர் இல்லையே என்ற உணர்வு இருந்தது, ஷிவின் என்ற தங்கை கிடைத்தவுடன் அந்த குறை எனக்கு இல்லாமல் போனது என்று கூற அதை கேட்டவுடன் ஷிவின் கதறி அழுத காட்சி அனைவருக்கும் கண்ணீரை வரவழைப்பதாக இருந்தது. போட்டியாளர்கள் தங்கள் சக போட்டியாளருக்கு நன்றி கூறிக் கொள்வதை கமல் நெகிழ்ச்சியுடன் பார்த்துக் கொண்டிருப்பதுடன் இன்றைய புரமோ முடிவுக்கு வந்தது.
#Day98 #Promo02 #NowStreaming on #disneyplushotstar #BiggBossTamil #KamalHaasan pic.twitter.com/3gTw1Y8UR0
— Disney+ Hotstar Tamil (@disneyplusHSTam) January 15, 2023