காஜலின் அதிரடி கேள்வியால் வசமாக மாட்டிய ஆரவ்
- IndiaGlitz, [Friday,August 18 2017]
பிக்பாஸ் நிகழ்ச்சியில் தினமும் ஒரு புதுமுகம் அறிமுகமாகி வருகின்றனர். நேற்று முன் தினம் சுஜா வருணே, நேற்று ஹரிஷ் ஆகியோர் அறிமுகமான நிலையில் இன்று நடிகை காஜல் பசுபதி புதிய பங்கேற்பாளராக நுழைந்துள்ளார்.
இந்த நிலையில் இன்றைய புரமோவில் காஜல் ஆரவ்விடம் ஒரு அதிரடி கேள்வியை கேட்கின்றார். 'உலகமே விரும்புகிற ஒரு பெண்ணை நீங்கள் ஏன் வேண்டாம் என்று கூறினீர்கள்' என்பதுதான் அந்த கேள்வி. இந்த கேள்வியால் ஆரவ் அதிர்ச்சியில் என்ன பதிலளிப்பது என்று தெரியாமல் நெளிகிறார். ஒவ்வொரு ஓவியா ஆர்மி படையினர்களும் இதுவரை சமுக வலைத்தளங்களில் கேட்ட கேள்விதான் என்றாலும் ஆரவ்விடம் நேருக்கு நேர் காஜல் கேட்டது பரபரப்பை ஏற்படுத்தியுள்ளது.
ஆனால் அதே நேரத்தில் புரமோ வீடியோவில் வரும் காட்சிகள் நிகழ்ச்சியில் மொக்கையாகத்தான் இதுவரை இருந்துள்ளது. இந்த கேள்வியும் அதேபோல் ஒன்றாகிவிடுமா? அல்லது நிகழ்ச்சியின் திருப்பத்திற்கு காரணமாக இருக்குமா? என்பதை இரவு வரை பொறுத்திருந்து பார்ப்போம்