தனுஷின் அடுத்த படத்தில் 'பிக்பாஸ்' ஆஜித்: வைரல் புகைப்படம்!
- IndiaGlitz, [Monday,August 08 2022]
பிக்பாஸ் நிகழ்ச்சியில் கலந்து கொண்ட போட்டியாளர்களில் ஒருவரான ஆஜித், தனுஷ் நடித்து வரும் அடுத்த திரைப்படத்தில் ஒரு சிறிய கேரக்டரில் நடித்து உள்ளதாக அறிவிக்கப்பட்டுள்ளது.
பிக் பாஸ் சீசன் 4 நிகழ்ச்சியில் போட்டியாளர்களில் ஒருவர் ஆஜித் என்பதும் இவர் 100 நாட்களுக்கும் மேல் பிக்பாஸ் நிகழ்ச்சியில் தாக்கு பிடித்து விளையாடினார் என்பதும் தெரிந்ததே.
இந்த நிலையில் சூப்பர் சிங்கர் நிகழ்ச்சியில் சாம்பியன் பட்டம் பெற்ற ஆஜீத் தனுஷ் நடிப்பில் செல்வராகவன் இயக்கத்தில் உருவாகி வரும் ’நானே வருவேன்’ என்ற திரைப்படத்தில் ஒரு சிறு கேரக்டரில் நடித்து உள்ளதாக தகவல்கள் வெளியாகி உள்ளது. இந்த கேரக்டருக்கு டப்பிங் பணியை முடித்து உள்ளதாக ஆஜித் தனது சமூக வலைத்தளத்தில் செல்வராகவனுடன் எடுத்துக்கொண்ட புகைப்படத்தை பதிவு செய்து தெரிவித்துள்ளார். இந்த புகைப்படம் தற்போது வைரலாகி வருகிறது.