நடுரோட்டில் யூடியூபர் கன்னத்தில் அறைந்த பிக்பாஸ் நடிகை: திருப்பி அடித்த யூடியூபர்: வைரல் வீடியோ
- IndiaGlitz, [Wednesday,May 18 2022]
பிரபல யூடியூபர் ஒருவரை பிக்பாஸ் நடிகை நடுரோட்டில் கன்னத்தில் அறைந்த நிலையில் அந்த யூடியூபர் திருப்பி நடிகையின் கன்னத்தில் அறைந்த வீடியோ இணையதளங்களில் வைரலாகி வருகிறது.
பிக்பாஸ் தெலுங்கு நிகழ்ச்சியில் கலந்து கொண்டவர் நடிகை கராத்தே கல்யாணி. இவர் ஒரு சில தெலுங்கு திரைப்படங்களிலும் தெலுங்கு சீரியல்களிலும் நடித்துள்ளார் என்பது குறிப்பிடத்தக்கது. மேலும் சமீபத்தில் பாஜகவில் இணைந்த இவர் தனது சமூக வலைத்தளத்தில் சர்ச்சைக்குரிய கருத்துக்களை அவ்வப்போது பதிவு செய்து வருவதாக கூறப்படுகிறது.
இந்த நிலையில் யூடியூபர் ஸ்ரீகாந்த் ரெட்டி என்பவரை கடந்த வியாழக்கிழமை சாலையில் தற்செயலாகச் சந்தித்த கராத்தே கல்யாணி, ஏன் உங்களது சேனலில் பெண்களை பற்றி தவறாக பேசுகிறீர்கள் என்று வாக்குவாதம் செய்தார். இந்த வாக்குவாதம் ஒரு கட்டத்தில் முற்றிய நிலையில் திடீரென ஸ்ரீகாந்த் ரெட்டியின் கன்னத்தில் கராத்தே கல்யாணி அடித்துள்ளார்.
இதனால் அதிர்ச்சி அடைந்த ஸ்ரீகாந்த் ரெட்டி கல்யாணியை திருப்பி அடித்துள்ளார். இருவரும் மாறி மாறி அடித்து கொண்டு நடுரோட்டில் சண்டை போட்ட சம்பவம் அந்த பகுதி உள்ள பொதுமக்களுக்கு பெரும் அதிர்ச்சியை அளித்துள்ளது. மேலும் இருவரும் மாறிமாறி தங்களது செல்போன்களில் இந்த சண்டையை வீடியோ எடுத்துள்ளனர். அதுமட்டுமின்றி இருவரும் மாறிமாறி காவல் நிலையத்தில் புகார் அளித்துள்ள நிலையில் இந்த புகார்கள் குறித்து காவல்துறையினர் விசாரணை செய்து வருகின்றனர்.