'அரபிக்குத்து' பாடலுக்கு ஆட்டம்: நெகட்டிவ் கமெண்ட்ஸ் பெற்ற பிக்பாஸ் பிரபலம்!
- IndiaGlitz, [Friday,March 04 2022]
தளபதி விஜய் நடித்துள்ள ’பீஸ்ட்’ படத்தில் இடம்பெற்ற ’அரபிக்குத்து’ பாடல் சமீபத்தில் வெளியானது என்பதும் இந்த பாடல் மிகப்பெரிய அளவில் ஹிட்டாகியது என்பதும், யூடியூபில் பார்வையாளர்கள் எண்ணிக்கையில் சாதனை செய்தது என்பதும் தெரிந்ததே.
மேலும் இந்த பாடலுக்கு திரையுலக பிரபலங்கள், சின்னத்திரை பிரபலங்கள், விளையாட்டு பிரபலங்கள் நடனமாடிய வீடியோக்களும் வைரல் ஆனது என்பதை பார்த்தோம். இந்த நிலையில் தற்போது பிக்பாஸ் நிகழ்ச்சி மூலம் பிரபலமான நடிகை ஷிவானி நாராயணன் தனது இன்ஸ்டாகிராம் பக்கத்தில் அரபிக்குத்து பாடலுக்கு நடனமாடிய வீடியோவை பதிவு செய்துள்ளார்.
இதுவரை வெளியான பிரபலங்களின் அரபிக்குத்து பாடல் வீடியோக்களில் இந்த வீடியோவுக்கு தான் ஏகப்பட்ட நெகட்டிவ் கமெண்ட்ஸ் வந்துள்ளதாக கூறப்படுகிறது. பல நெட்டிசன்கள் ஷிவானியின் நடனத்தை கேலியும் கிண்டலும் செய்து கமெண்ட்ஸ் பதிவு செய்தாலும் ஒரு சிலர் அவரது நடனத்தை பாராட்டியும் கமெண்ட் செய்துள்ளனர். மேலும் நெகட்டிவ் விமர்சனங்கள் இந்த நடனத்திற்கு குவிந்தாலும் ஒரு லட்சத்திற்கும் மேற்பட்ட லைக்ஸ் இந்த வீடியோவுக்கு கிடைத்துள்ளது என்பது குறிப்பிடத்தக்கது.