இன்று உலகம் முழுவதும் காதலர் தினம் கொண்டாடப்பட்டு வரும் நிலையில், பிக் பாஸ் போட்டியாளர்களில் ஒருவரான ஜாக்குலின் தனது காதலரை இன்ஸ்டாகிராமில் அறிமுகம் செய்து, அவருடன் இருக்கும் புகைப்படத்தையும் பதிவு செய்துள்ளார். அந்த புகைப்படம் தற்போது இணையத்தில் வைரல் ஆகி வருகிறது.

விஜய் டிவியில் ஒளிபரப்பான "கலக்கப்போவது யாரு" என்ற நிகழ்ச்சியை தொகுத்து வழங்கிய ஜாக்குலின், அதன் பின்னர் "கோலமாவு கோகிலா" உள்பட சில படங்களில் நடித்தார். மேலும், விஜய் டிவியில் ஒளிபரப்பான "தேன்மொழி பி.ஏ" என்ற தொடரின் மூலம் ரசிகர்கள் மனதை வென்றார்.

பிக் பாஸ் சீசன் 8 நிகழ்ச்சியிலும் போட்டியாளராக கலந்து கொண்டார். 100 நாட்கள் தாக்குப் பிடித்த பிறகு, பணப்பெட்டியை எடுத்துவிட்டு குறிப்பிட்ட நேரத்திற்குள் திரும்பி வராததால் போட்டியிலிருந்து வெளியேற்றப்பட்டார். இருப்பினும், அவரது முயற்சிக்கு ரசிகர்கள் வாழ்த்துக்கள் தெரிவித்தனர்.

இந்நிலையில், இன்று காதலர் தினத்தன்று, தன்னுடைய காதலரை இன்ஸ்டாகிராம் பக்கத்தில் ஜாக்குலின் அறிமுகம் செய்துள்ளார். புகைப்படக் கலைஞர் யுவராஜ் செல்வநம்பி தான் தனது காதலர் என்று தெரிவித்துள்ள ஜாக்குலின், அவருடன் இருக்கும் புகைப்படத்தையும் பகிர்ந்துள்ளார்.

இதையடுத்து, ரசிகர்கள் அவருக்கு வாழ்த்துக்கள் தெரிவித்து வருகின்றனர். ஏற்கனவே, பிக் பாஸ் நிகழ்ச்சியில் ஜாக்லின் கலந்து கொண்ட போது, யுவராஜ் செல்வநம்பியின் குடும்ப உறவினர்களும் அவரை பார்க்க வந்திருந்தனர் என்பது குறிப்பிடத்தக்கது.

View this post on Instagram

A post shared by Yuvaraj Selvanambi (@yuvaraj.selvanambi)