கமலஹாசன் தொகுத்து வழங்கிய பிக்பாஸ் நிகழ்ச்சியில் முதல் பகுதியில் ஜல்லிக்கட்டு போராட்ட வீராங்கனை ஜூலி பங்கேற்றிருந்தார் என்பது தெரிந்ததே. ஆரம்பத்தில் சில வாரங்கள் ஜூலிக்கு ரசிகர்கள் மத்தியில் நல்ல வரவேற்பு இருந்தது. ஆனால் அவர் அடுத்தடுத்து சொன்ன பொய்கள், காயத்ரி ரகுராமுடன் சேர்ந்து அடித்த லூட்டிகள் ஓவியாவுக்கு எதிராக செய்த வன்மங்கள் ஆகியவையும் ரசிகர்களை கடுப்பாக்கியது

எனவே அந்த நிகழ்ச்சியின் மிகவும் வெறுக்கப்பட்ட போட்டியாளராக அவர் மாறினார் என்பதும், இதனையடுத்து அவர் ஒரு சில வாரங்களிலேயே போட்டியிலிருந்து வெளியேற்றப்பட்டார் என்பதும் குறிப்பிடத்தக்கது

இந்த நிலையில் பிக்பாஸ் நிகழ்ச்சிக்குப் பின்னர் ஒரு சில திரைப்படங்களிலும் ஒரு சில தொலைக்காட்சி ஷோக்களிலும் நடித்து வந்த ஜூலிக்கு தற்போது ரசிகர்கள் கொஞ்சம் கொஞ்சமாக அதிகரித்து வருவதாக தெரிகிறது

இந்த நிலையில் ஜூலியின் பிறந்தநாளை முன்னிட்டு அவருடைய தீவிர ரசிகர் ஒருவர் ஜூலியன் புகைப்படத்தை தனது பூஜை அறையில் வைத்து அந்த புகைப்படத்தை வழிபட்டு வருவது பெரும் பரபரப்பை ஏற்படுத்தியுள்ளது. ஜூலிக்கு இவ்வளவு தீவிரமான ரசிகரா என்ற ஆச்சரியமும் ஏற்பட்டுள்ளது