'நான் சும்மா இருந்தா சும்மா இருக்க மாட்டேன்': வைரலாகும் கவின் வீடியோ
- IndiaGlitz, [Thursday,April 23 2020]
நாடு முழுவதும் ஊரடங்கு உத்தரவு பிறப்பிக்கப்பட்டுள்ளதை அடுத்து சினிமா படப்பிடிப்பு இல்லாததால் நடிகர், நடிகைகள் தங்கள் சமூக வலைத்தளங்களில் தினமும் வீடியோக்களை பதிவு செய்து வருகின்றனர். ஒருசில வீடியோக்கள் விழிப்புணர்வை ஏற்படுத்தும் வகையிலும் பல வீடியோக்கள் ஜாலியாகவும் உள்ளதால் ரசிகர்களின் வரவேற்பை இந்த வீடியோக்கள் பெற்று வருகின்றன.
இந்த நிலையில் நடிகரும் பிக்பாஸ் போட்டியாளர்களில் ஒருவருமான கவின் தனது சமூக வலைத்தளத்தில் ஒரு வீடியோவை பதிவு செய்துள்ளார். அதில் கடந்த சில வருடங்களுக்கு முன் கவினின் நண்பர் ஒருவர் பீரோவில் உள்ள பேண்ட் ஒன்றை எடுத்து மின்விசிறியில் இருக்கும் தூசிகளை துடைக்கும் காட்சிகள் உள்ளன. இதற்கு பழி வாங்கும் வகையில் கவினும் அவரது நண்பரின் பேண்ட் ஒன்றை எடுத்து வீடு முழுவதும் துடைத்து, மொட்டை மாடியையும் துடைத்து அந்த பேண்டை ஒருவழியாக்கிவிட்டார்.
இதுகுறித்து அவர் கூறியபோது, ‘சில வருடங்களுக்கு முன் அரசு உத்தரவு இல்லாமலேயே நானே என்னை தனிமைப்படுத்தி கொண்டேன். அப்போது செய்தவை தான் இந்த வீடியோவில் இருப்பது. இதில் இருந்து தெரிய வருவது என்னவெனில் நான் சும்மா இருந்தால் சும்மா இருக்க மாட்டேன், பழி வாங்கிவிடுவேன்’ என்று கூறியுள்ளார். இந்த வீடியோ தற்போது வைரலாகி வருகிறது
View this post on InstagramA post shared by Kavin M (@kavin.0431) on Apr 22, 2020 at 9:55am PDT