பிக்பாஸ் நிகழ்ச்சி நேற்று படுவிறுவிறுப்பாக இருந்தது. ஆரியின் கோபம், ஆரியை ஒட்டுமொத்தமாக டார்கெட் செய்த போட்டியாளர்கள், அர்ச்சனாவை நாமினேட் செய்து அவருடைய குருப்பிஸத்தை வெளியே கொண்டு வந்த சனம், பாலாஜி என நேற்றைய நிகழ்ச்சி இந்த பிக்பாஸ் நிகழ்ச்சியின் சிறப்பம்சங்களாக இருந்தது.

இந்த நிலையில் நேற்று வரை ‘நீ என் மகன் போல’ என தாய்ப்பாசத்தை பாலாஜி மீது பொழிந்து வந்த அர்ச்சனா, நேற்று தன்னை பாலாஜி நாமினேட் செய்ததும் அவருடைய முகமே முழுக்க முழுக்க மாறிவிட்டது. குடம் குடமாக பொங்கிய தாய்ப்பாசம் திடீரென மறைந்து பாலாஜியை எதிரி போல் பார்க்க தொடங்கிவிட்டார்.

பாசம் என்ற மாஸ்க்கை போட்டு நடித்து கொண்டிருக்கும் அர்ச்சனாவை டார்கெட் செய்ய ஆரம்பித்த பாலாஜி இன்றைய முதல் புரமோவில் அவருடைய ஆதரவாளர்கள் யார் யார் என்பதை ஒப்பனாகவே சொல்லிவிட்டார். இந்த நிலையில் இன்றைய இரண்டாவது புரமோவில் ’கேப்ரில்லாவுடன் வாதாடும் பாலாஜி, ‘எல்லாரும் என்மேல பழிபோட்டு என் பெயரை காலி பண்ணனும்ன்னு முடிவு பண்ணிட்டிங்க என்று கோபமாக பேசுகிறார். இந்த வாக்குவாதத்தில் திடீரென அர்ச்சனா நுழைய, அர்ச்சனாவுக்கும் பாலாவுக்கும் கடுமையாக வாக்குவாதம் நடக்கின்றது. ஒரு கட்டத்தில் அர்ச்சனா அக்கா என பாலாஜி சொல்ல, என்னை அர்ச்சனா அக்கா என்று சொல்லாதெ, அர்ச்சனா என்று சொன்னால் போதும் என கையை நீட்டி அர்ச்சனா கோபமாக கூற, பாலாஜி தன்னுடைய வழக்கமான நக்கலில் ‘சரி அர்ச்சனா’ என்று மாஸாக கூறியது பார்வையாளர்களுக்கு செம விருந்தாக இருந்தது.

மொத்தத்தில் அர்ச்சனாவின் மாஸ்க்கை கழட்டி அவருடைய உண்மையான சொரூபத்தை பாலாஜி வெளிக்கொண்டு வந்துள்ள நிலையில் இனிவரும் நாட்கள் காரசாரமாக இருக்கும் என எதிர்பார்க்கப்படுகிறது.

#Day51 #Promo2 of #BiggBossTamil #பிக்பாஸ் - தினமும் இரவு 9:30 மணிக்கு நம்ம விஜய் டிவில.. #BBTamilSeason4 #BiggBossTamil4 #VijayTelevision pic.twitter.com/84whwGXtuC

— Vijay Television (@vijaytelevision) November 24, 2020