பிக்பாஸ் நிகழ்ச்சியில் இன்றைய இரண்டாவது புரோமோவில் அனிதாவுக்கு கமல்ஹாசன் ஆதரவு தெரிவித்தது அர்ச்சனா மற்றும் சுரேஷ் சக்கரவர்த்திக்கு அதிர்ச்சியாக இருந்ததாக தெரிகிறது

சற்று முன் வெளியான இரண்டாவது புரோமோவில் ’மங்களகரமாக ஆரம்பிப்போம்’ என்று சுமங்கலி பிரச்சனை குறித்து கமலஹாசன் எழுப்புகிறார். அப்போது கருத்து கூறிய அர்ச்சனா ’அந்த இடத்தில் அந்தப் பிரச்சனையை எழுப்பியிருக்க வேண்டாம் என்பதுதான் எனது கருத்து. என்று கூறுகிறார். ஆனால் அனிதாவுடன் அவ்வப்போது மோதி வரும் ஷிவானியோ, ‘அனிதா பேசிய அந்த விஷயம் சரியானதுதான் என்றும், சொன்ன இடமும் சரியானதுதான்’ என்று கூறுகிறார்

இதனை அடுத்து அனிதா கூறும்போது ’இப்பொழுதும் நான் சொன்னது சரிதான் என்று நினைக்கிறேன். நான் கூறிய விஷயம் பலருக்கும் போய்ச் சேர வேண்டும் என்பதற்காகத்தான் அதை கூறினேன்’ என்று தனது பக்க நியாயத்தை கூறினார். அதற்கு ஆதரவு தெரிவித்த கமல்ஹாசன் ’ஒரு கை மட்டும் ஓசை எழுப்பாது என்று கூறி தனது இரண்டு கைகளையும் தட்டி அனிதாவுக்கு ஆதரவு தெரிவித்தார். அனிதாவுக்கு கமல்ஹாசன் ஆதரவு கொடுத்தது அர்ச்சனா மற்றும் சுரேஷ் ஆகிய இருவருக்கும் சற்று அதிர்ச்சியாக இருந்தது என்பது அவர்கள் முகத்தில் இருந்தே தெரிய வருகிறது

#BiggBossTamil இல் இன்று.. #Day27 #Promo2 of #BiggBossTamil #பிக்பாஸ் - தினமும் இரவு 9:30 மணிக்கு நம்ம விஜய் டிவில.. #BBTamilSeason4 #BiggBossTamil4 #VijayTelevision pic.twitter.com/QRkgORMc5l

— Vijay Television (@vijaytelevision) October 31, 2020