பிக்பாஸ் நிகழ்ச்சி 50 நாட்களுக்கும் மேலாக விறுவிறுப்பாக நடைபெற்று வரும் நிலையில் இன்று 57வது நாள் நடைபெற உள்ளது என்பது குறிப்பிடத்தக்கது. இந்த நிலையில் பிக் பாஸ் நிகழ்ச்சியை பொருத்தவரை ஒவ்வொரு திங்கட்கிழமையும் புதிய தலைவருக்கான டாஸ்க் நடைபெறும் என்றும் அதே போல் நாமினேஷன் படலம் நடைபெறும் என்பதையும் பார்த்து வருகிறோம்.

இந்த நிலையில் சற்று முன் வெளியான முதல் புரமோ வீடியோவில் புதிய தலைவர் பதவிக்கான டாஸ்க் நடைபெற்று வருகிறது. இந்த டாஸ்க்கில் இமான் அண்ணாச்சி, சிபி மற்றும் அபிஷேக் ஆகிய மூவரும் கலந்துகொள்கின்றனர். கோபுரங்கள் சாய்வதில்லை என்ற டைட்டில் வைக்கப்பட்டுள்ள தலைவருக்கான டாஸ்க்கில் சிபி மற்றும் அபிஷேக் செய்த கோபுரம் கீழே விழுந்து விட்டதை அடுத்து இமான் அண்ணாச்சியின் கோபுரம் நிற்பதால் அவர் வெற்றி பெற்றதாக கடந்த வார கேப்டன் அபினய் அறிவிக்கின்றார்.

இதனை அடுத்து இமான் அண்ணாச்சி தலைவராக தேர்வு செய்யப்பட்டதாக அறிவிக்கப்பட்டது. ஆனால் அதே நேரத்தில் தலைவர் பதவியை மாற்றக்கூடிய சலுகையை காயின் வைத்திருப்பவர் மாற்ற விரும்பினால் மாற்றலாம் என பிக் பாஸ் அறிவிக்கிறார்.

இதனை அடுத்து இந்த வார தலைவராக நான் இருக்கின்றேன் என நிரூப் கூறுகிறார். இதனை அடுத்து என்னை பார்த்து நீ பயந்து விட்டாயா என்று இமான் அண்ணாச்சி கூறும் காட்சிகளோடு இன்றைய முதல் புரமோ முடிவுக்கு வருகிறது என்பது குறிப்பிடத்தக்கது. இந்த வாரம் தலைவராக நிரூப் தேர்வு செய்யப்பட்ட நிலையில் அவரது தலைமை எப்படி இருக்கும் என்பதை பொறுத்திருந்து பார்ப்போம்.

#Day57 #Promo1 of #BiggBossTamil #பிக்பாஸ் - திங்கள் முதல் வெள்ளி இரவு 10 மணிக்கு, சனி மற்றும் ஞாயிறு இரவு 9:30 மணிக்கு நம்ம விஜய் டிவில.. #BBTamilSeason5 #BiggBossTamil5 #பிக்பாஸ் #nipponpaintindia #PreethiPowerDuo #VijayTelevision pic.twitter.com/rAuqvDAtfj

— Vijay Television (@vijaytelevision) November 29, 2021