உங்கள் மாணவி என்பதில் எனக்கு பெருமை.. பிக்பாஸ் கோப்பையுடன் ஆசிரியரை சந்தித்த பிக்பாஸ் அர்ச்சனா..!
- IndiaGlitz, [Saturday,January 20 2024]
பிக் பாஸ் சீசன் 7 நிகழ்ச்சியின் டைட்டில் வின்னரான அர்ச்சனா வெற்றி பிக் பாஸ் கோப்பையுடன் தனது ஆசிரியரை சந்தித்த புகைப்படத்தை பதிவு செய்துள்ளார். இந்த புகைப்படம் இணையத்தில் வைரல் ஆகி வருகிறது.
பிக் பாஸ் சீசன் 7 நிகழ்ச்சி சமீபத்தில் முடிவடைந்த நிலையில் இந்த நிகழ்ச்சியில் அனைவரும் எதிர்பார்த்தபடியே அர்ச்சனா டைட்டில் வின்னராக தேர்வு செய்யப்பட்டார். அவருக்கு சின்னத்திரை உலக பரபலங்கள் வாழ்த்துக்களை தெரிவித்து வருகின்றனர்
இந்த நிலையில் அர்ச்சனா தனது இன்ஸ்டாகிராமில் தனது ஆசிரியரான பிரவீன் என்பவரை சந்தித்து அவரிடம் வெற்றி கோப்பையை கொடுத்து வாழ்த்து பெற்றார். பிரவீன் என்பவர் பல சின்னத்திரை நாடகங்களை இயக்கி உள்ளார் என்பதும் குறிப்பாக ’சரவணன் மீனாட்சி’ போன்ற வெற்றிகரமான தொடரை இயக்கியது இவர் தான் என்பது குறிப்பிடத்தக்கது.
உங்களிடம் பாடம் பயின்று இன்று மிகப்பெரிய இடத்தை அடைந்திருக்கிறேன் என்றும் உங்களுடைய மாணவி என்பதில் எனக்கு மிகப்பெரிய பெருமை என்றும் அர்ச்சனா தனது இன்ஸ்டாகிராம் பதிவில் தெரிவித்துள்ளார்.