மீண்டும் ஃபார்முக்கு வந்த அசீம். இருக்கு.. இன்னிக்கு சம்பவம் இருக்கு!
- IndiaGlitz, [Wednesday,November 16 2022]
பிக்பாஸ் நிகழ்ச்சி கடந்த ஆறு மாதங்களாக விறுவிறுப்பாக நடைபெற்று வரும் நிலையில் ஒவ்வொரு நாளும் வெளியாகும் 3 புரோமோ வீடியோக்கள் அந்த நிகழ்ச்சியை பார்க்க தூண்டும் வகையில் இருக்கும் என்பதை பார்த்து வருகிறோம்.
அந்த வகையில் சற்று முன் வெளியான வீடியோவில் அசீம் மற்றும் விக்ரமன் காரசாரமாக மோதும் காட்சிகள் உள்ளன. இந்த வீடியோவில் ராஜகுருவாக இருக்கும் விக்ரமனை பார்த்து படைத்தளபதியான அசீம், ‘உங்கள் சாப்பாட்டில் காரித்துப்பி கொடுத்தால் நீங்கள் சாப்பிடுவீர்களா? எனக்கேட்க இதைக்கேட்டு ஆத்திரம் அடைந்த விக்ரமன், ‘ஏய் இப்படியெல்லாம் பேசாதிங்க என்று கூறுகிறார்.
உடனே விக்ரமனை நோக்கி ஆவேசமாக பாயும் அசீம், ‘யாருடா நீ என்ன பார்த்தே ஏய் என்று பேசுகிறாய் என ஒருமையில் பேச மற்ற போட்டியாளர்கள் இருவரையும் சமாதானப்படுத்த முயற்சி செய்கின்றனர்.
இந்த சீசனின் ஆரம்பத்திலிருந்து அசீம் ஆவேசமாக விளையாடி வரும் நிலையில் இடையில் சில நாட்களாக கமல்ஹாசனின் கண்டிப்பு காரணமாக அமைதியாக மாறினார். இந்த நிலையில் தற்போது அசீம் மீண்டும் ஃபார்முக்கு வந்துள்ள நிலையில் அடுத்து என்ன நடக்கும் என்பதை பொறுத்திருந்து பார்ப்போம்.