'பிகில்' இசை வெளியீடு: சில சுவாரஸ்யமான துளிகள்
- IndiaGlitz, [Thursday,September 19 2019]
தளபதி விஜய் நடிப்பில் அட்லி இயக்கத்தில் ஏஆர் ரஹ்மான் இசையில் உருவாகியுள்ள ’பிகில்’ திரைப்படத்தின் இசை வெளியீட்டு விழா தற்போது தனியார் பொறியியல் கல்லூரி ஒன்றில் நடைபெற்று வருகிறது. இந்த விழாவில் விஜய் உள்பட படக்குழுவினர் அனைவரும் கலந்து கொண்ட நிலையில் இந்த விழாவில் பேசியவர்கள் குறித்து தற்போது பார்ப்போம்
ஒளிப்பதிவாளர் விஷ்ணு: சொல்றவன் ஆயிரம் சொல்லட்டும். இயக்குனர் அட்லியின் உழைப்பு படத்திற்கு படம் அதிகமாகி கொண்டே உள்ளது. உங்கள் அனைவரை போலவே நானும் தளபதி பேச்சை கேட்க ஆவலுடன் உள்ளேன்
எடிட்டர் ரூபன்: இந்த படத்தை எடிட் செய்வதற்கு முன் எனக்கு கால்பந்து குறித்து கொஞ்சம் கூட தெரியாது. அதனால் இந்த படத்தின் எடிட்டிங் பணி எனக்கு சவாலாக இருந்தது. ஆனால் தற்போது கால்பந்து குறித்து நிறைய இந்த படத்தின் மூலம் தெரிந்து கொண்டேன்
நடிகர் ஆனந்தராஜ்: ‘பிகில்’ திரைப்படத்துக்கு முன்புவரை விஜய்யை ’விஜய் அண்ணா’ என்று தான் அழைத்து வந்தேன். ஆனால் ‘பிகில்’ படப்பிடிப்பின் போது எனக்கும் அவருக்கும் மிகவும் நெருக்கமான நட்பு ஏற்பட்டுள்ளதால் இனி அவரை ’நண்பன்’ என்றே அழைப்பேன்
ரமணா கிரிவாசன்: நான் சாதாரணமாக எழுதிய வசனங்களை கூட விஜய் தனது தனித்திறமையால் அதனை பஞ்ச் டயலாக்காக மாற்றிவிட்டார்.
Favorite Tweetsby @igtamil