'கோ 2' ரிலீஸ் தேதி. அதிகாரபூர்வ அறிவிப்பு
- IndiaGlitz, [Friday,April 08 2016]
பாபிசிம்ஹா, நிக்கி கல்ராணி, பிரகாஷ்ராஜ் நடிப்பில் சரத் இயக்கிய 'கோ 2' திரைப்படத்தின் ரிலீஸ் தேதி அதிகாரபூர்வமாக சற்று முன்னர் அறிவிக்கப்பட்டுள்ளது. இந்த படத்தின் தயாரிப்பாளர் எல்ரெட் குமார் அவர்களின் சமூக வலைத்தள பக்கத்தில் இந்த படம் வரும் மே மாதம் 6ஆம் தேதி வெளியாகும் என்று அறிவிக்கப்பட்டுள்ளது.
மேலும் ரிலீஸ் தேதியுடன் கூடிய புதிய போஸ்டரும் இணையதளங்களில் வெளியாகியுள்ளது. தமிழகத்தில் வரும் மே மாதம் 16ஆம் தேதி சட்டமன்ற தேர்தல் நடைபெறவுள்ளதால் தேர்தலுக்கு 10 நாட்களுக்கு முன்னர் இந்த படம் ரிலீஸ் ஆகிறது என்பது குறிப்பிடத்தக்கது.
அரசியல், டாஸ்மாக், முதலமைச்சர் கடத்தல் ஆகிய அம்சங்கள் நிறைந்துள்ள இந்த படம் தேர்தல் நேரத்தில் வெளிவருவது மிகப்பொருத்தமாக இருக்கும் என்று கூறப்படுகிறது.