பிரபல பாலிவுட் நடிகர் சஞ்சய்தத் மருத்துவமனையில் அனுமதி: என்ன ஆச்சு?
- IndiaGlitz, [Sunday,August 09 2020]
பிரபல பாலிவுட் நடிகர் சஞ்சய்தத் நேற்று மாலை திடீரென சுவாசக்கோளாறு மற்றும் நெஞ்சுவலி காரணமாக அவதிப்பட்டதாகவும், இதனையடுத்து உடனடியாக அவர் மும்பையில் உள்ள லீலாவதி மருத்துவமனையில் அனுமதிக்கப்பட்டுள்ளதாகவும், அந்த மருத்துவமனையில் அவர் அவசர சிகிச்சைப் பிரிவில் சிகிச்சை பெற்று வருவதாகவும் செய்திகள் வெளிவந்துள்ளது.
ஆக்சிஜன் பற்றாக்குறையால் சஞ்சய்தத் அவர்களுக்கு நெஞ்சு வலி ஏற்பட்டுள்ளதாக மருத்துவர்கள் தெரிவித்துள்ளனர். இந்த நிலையில் சஞ்சய்தத் அவர்களுக்கு கொரோனா பரிசோதனை செய்யப்பட்டதாகவும், பரிசோதனையில் அவருக்கு கொரோனா பாதிப்பு இல்லை என்பது உறுதி செய்யப்பட்டுள்ளதாகவும் தெரியவந்துள்ளது. தற்போது சஞ்சய்தத் உடல்நிலை சீராக உள்ளதாகவும் மருத்துவமனை நிர்வாகம் அறிவித்துள்ளது.
நடிகர் சஞ்சய்தத் தற்போது ‘கே.ஜி.எஃப் 2’ என்ற படத்தில் முக்கிய வேடத்தில் நடித்து வருகிறார் என்பதும் இந்த படத்தின் படப்பிடிப்பு லாக்டவுன் முடிந்தவுடன் தொடங்கவுள்ளது என்பதும் குறிப்பிடத்தக்கது.