బాలీవుడ్ బాహుబలి2 కు భారీ క్రేజ్....
- IndiaGlitz, [Wednesday,April 20 2016]
రాజమౌళి, ప్రభాస్ కాంబినేష్ లో బాహుబలి కన్ క్లూజన్ శరవేగంగా చిత్రీకరణ జరుపుకుంటుంది. ప్రస్తుతం వేసవి కారణంగా గ్యాప్ తీసుకున్న యూనిట్ సినిమాను అక్టోబర్ కంతా పూర్తి చేసి వచ్చే ఏడాది ఏప్రిల్ 14నాటికి విడుదల చేయాలని అనుకుంటుందట. అయితే బాహుబలి ది బిగినింగ్ క్రియేట్ చేసిన సెన్సేషన్ అంతా ఇంతా కాదు.
హాలీవుడ్ మీడియా సైతం టాలీవుడ్ వైపు ఫోకస్ అయ్యేలా చేసిన రాజమౌళి సెకండ్ పార్ట్ ను మరింత ప్రెస్టిజియస్ గా రూపొందిస్తున్నారు. బాలీవుడ్ లో ధర్మేంద్ర ప్రొడక్షన్స్ బ్యానర్ పై బాహుబలి పార్ట్ 1ను విడుదల చేశారు. బాలీవుడ్ 100 కోట్లుకు పైగా కలెక్ట్ చేసి బాలీవుడ్ క్రిటిక్స్ సైతం ఆశ్చర్యపోయేలా చేసింది. ఇప్పుడు బాహుబలి 2 సినిమాను విడుదల చేయాలని యశ్ రాజ్ చోప్రా బ్యానర్ పోటీలో ముందుగా నిలబడింది. ఏకంగా 150 కోట్ల రూపాయలను వారు ఆఫర్ చేస్తున్నట్లు సమాచారం. ఏదేమైనా బాహుబలి పార్ట్ 2 సరికొత్త రికార్డులకు తెర తీయడం ఖాయంగా కనిపిస్తుంది.