close
Choose your channels

చిరుకు ఓకే అన‌లేదు.. మ‌రి బాల‌య్య ఓకే అన్న‌ట్లేనా?

Wednesday, August 12, 2020 • తెలుగు Comments

చిరుకు ఓకే అన‌లేదు.. మ‌రి బాల‌య్య ఓకే అన్న‌ట్లేనా?

ఓ బాలీవుడ్ న‌టుడిని చిరంజీవి మ‌ల‌యాళ రీమేక్ లూసిఫ‌ర్ కోసం సంప్ర‌దిస్తే.. బిజీగా ఉన్నాను.. కాబ‌ట్టి చేయ‌లేన‌ని చెప్పేశాడ‌ని కొన్ని రోజుల ముందు వార్త‌లు వినిపించిన సంగ‌తి తెలిసిందే. ఆ బాలీవుడ్ న‌టుడు ఎవ‌రో ప్ర‌త్యేకంగా చెప్ప‌న‌క్క‌ర్లేదు. వివేక్ ఒబెరాయ్‌. ఇప్పుడు బాల‌కృష్ణ హీరోగా న‌టిస్తోన్న 106వ చిత్రంలో న‌టించ‌డానికి ఓకే చెప్పాడ‌ని వార్త‌లు వినిపిస్తున్నాయి. అందుకు కార‌ణం బోయపాటి శ్రీను అనే అంటున్నారు. ఈయ‌న ద‌ర్శ‌క‌త్వంలో గ‌తంలో వివేక్ ఒబెరాయ్ విన‌య విధేయ రామ సినిమాలో న‌టించిన సంగ‌తి తెలిసిందే. అదే ప‌రిచ‌యంతోనే బాల‌య్య సినిమాలో న‌టించ‌డానికి బోయ‌పాటి ఒప్పించార‌ని టాక్‌.

సింహా, లెజెండ్ వంటి సూప‌ర్ హిట్స్ త‌ర్వాత బాల‌కృష్ణ‌, బోయ‌పాటి శ్రీను ద‌ర్శ‌క‌త్వంలో రూపొందుతోన్న చిత్ర‌మిది. భారీ అంచ‌నాలున్నాయి. ఇందులో బాల‌కృష్ణ ద్విపాత్రాభిన‌యం చేస్తున్నార‌ట‌. అందులో ఓ పాత్ర అఘోరాగా క‌నిపిస్తార‌ని ఓ ఇంట‌ర్వ్యూలో బోయ‌పాటి శ్రీను తెలిపారు. ద్వారర‌కా క్రియేష‌న్స్ బ్యాన‌ర్‌పై మిర్యాల ర‌వీంద‌ర్ రెడ్డి ఈ చిత్రాన్ని నిర్మిస్తున్నారు. ఇప్ప‌టికే ఓ షెడ్యూల్ షూటింగ్ పూర్తి చేసుకున్న ఈ చిత్రం క‌రోనా ప‌రిస్థితులు చ‌క్క‌బ‌డ్డ తర్వాత షూటింగ్‌ను జ‌రుపుకోనుంది.

Get Breaking News Alerts From IndiaGlitz