అఖిల్ అమ్మగా బాలీవుడ్ హీరోయిన్..
- IndiaGlitz, [Thursday,June 01 2017]
బాలీవుడ్‌తో పాటు టాలీవుడ్ ప్రేక్ష‌కులకు టబు అంటే సుప‌రిచిత‌మే. ఈ అమ్మ‌డు నాగార్జున‌తో నిన్నే పెళ్ళాడ‌తా, ఆవిడా మా ఆవిడే వంటి చిత్రాల్లో న‌టించింది. ఇప్పుడు మరోసారి తెలుగు ప్రేక్ష‌కుల‌ను ప‌ల‌క‌రించ‌నుంది. ఆస‌క్తిక‌ర‌మైన విష‌య‌మేమంటే, నాగార్జున‌తో జోడి క‌ట్టిన ఈ భామ ఇప్పుడు అఖిల్ సినిమాలో తల్లి పాత్ర‌లో న‌టించ‌నుంద‌ట.
అఖిల్ హీరోగా విక్ర‌మ్ కుమార్ దర్శకత్వంలో రూపొందుతోన్న సినిమాలో టబు తల్లి పాత్ర‌లో క‌న‌ప‌డ‌నుంది. ఇప్ప‌టికే అఖిల్ సినిమా యాక్షన్ పార్ట్ అంతా పూర్తి చేసేసుకుంది. మ‌నం, 24 చిత్రాల దర్శకుడు విక్ర‌మ్ కుమార్ త‌న‌దైన స్ట‌యిల్లో అఖిల్‌ను స‌రికొత్త‌గా చూపించే ప్ర‌య‌త్నం చేస్తున్నాడ‌ట. ఈ చిత్రాన్ని అన్న‌పూర్ణ స్టూడియోస్ బ్యాన‌ర్‌పై అక్కినేని నాగార్జున నిర్మిస్తున్నారు.