తెలుగు సినిమాను రీమేక్ చేస్తున్న బాలీవుడ్ స్టార్....
- IndiaGlitz, [Monday,February 20 2017]
బాలీవుడ్ స్టార్ హీరో సంజ‌య్ ద‌త్ ఇప్పుడు మున్నాభాయ్ మూడో సీక్వెల్‌కు రెడీ అవుతున్నాడు. అయితే ఈ సీనియ‌ర్ హీరో ఇప్పుడు ఓ తెలుగు సినిమాను హిందీలో రీమేక్ చేయాల‌నుకుంటున్నాడ‌ట. ఇంద‌కు సంజ‌య్ ద‌త్ మ‌న‌సు ప‌డ్డ ఆ తెలుగు సినిమా మ‌రేదో కాదు..ప్ర‌స్థానం. సాయికుమార్‌, శ‌ర్వానంద్‌, సందీప్‌కిష‌న్‌లు ప్ర‌ధాన తారాగ‌ణంగా రూపొందిన పొలిటిక‌ల్ థ్రిల్ల‌ర్ తెలుగులో మంచి విజ‌యాన్ని సొంతం చేసుకుంది. హిందీలో కూడా ఈ సినిమాను దేవాక‌ట్టానే డైరెక్ట్ చేస్తాడ‌ని, సంజ‌య్‌ద‌త్ సినిమాను నిర్మిస్తాడ‌ని వార్త‌లు విన‌ప‌డుతున్నాయి. త్వ‌ర‌లోనే ఈ సినిమా గురించిన మ‌రిన్ని వివ‌రాలు తెలిసే అవ‌కాశం ఉంది.