close
Choose your channels

அஜித்தை எடுத்து ஜெயம் ரவி பக்கம் திரும்பிய போனிகபூர்

Sunday, September 22, 2019 • தமிழ் Comments

அமிதாபச்சன் நடித்த ’பிங்க்' என்ற சூப்பர் ஹிட் படத்தின் தமிழ் ரீமேக் படமான அஜித்தின் ’நேர்கொண்ட பார்வை’ படத்தை தயாரித்த போனிகபூர், இந்த படத்தின் வெற்றியால் மேலும் சில படங்களை ரீமேக் செய்ய திட்டமிட்டிருப்பதாக தகவல்கள் வெளிவந்துள்ளது.

முதல்கட்டமாக சமீபத்தில் வெளியான ஜெயம் ரவியின் 'கோமாளி’ திரைப்படத்தின் ஹிந்தி ரீமேக் உரிமையை தயாரிப்பாளர் ஐசரி கணேஷிடம் இருந்து போனிகபூர் பெற்றுள்ளதாகவும் இந்த படத்தின் ஹிந்தி ரீமேக்கில் அவரது மகன் அர்ஜுன் கபூர், ஜெயம் ரவி வேடத்தில் நடிக்கவிருப்பதாகவும் இந்த படத்தின் படப்பிடிப்பு விரைவில் தொடங்க இருப்பதாகவும் செய்திகள் வெளிவந்துள்ளது. அதுமட்டுமின்றி மேலும் சில தமிழ் படங்களின் இந்தி ரீமேக்கையும், இந்தி படங்களின் தமிழ் ரீமேக்கையும் போனிகபூர் தயாரிக்க திட்டமிட்டிருப்பதாகவும் இதுகுறித்த அறிவிப்புகள் விரைவில் வெளிவரும் என்றும் கூறப்படுகிறது.

’கோமாளி’ படத்தின் இந்தி ரீமேக் மட்டுமன்றி தெலுங்கு மற்றும் கன்னட ரீமேக் உரிமைக்கும் பலத்த போட்டி இருப்பதாகவும் முன்னணி தெலுங்கு மற்றும் கன்னட நடிகர்கள் இந்த படத்தில் நடிக்க விருப்பம் தெரிவித்துள்ளதாகவும் செய்திகள் வெளிவந்துள்ளது.
 

Get Breaking News Alerts From IndiaGlitz